काठमाडौ । शाइन रेसुंगा डेभलपमेन्ट बैंकको लाभांश सहितका प्रस्तावहरु पारित गर्न भोलि मंसिर २३ गते शनिबार वार्षिक साधारण सभा बस्ने भएको छ ।

बैंकको गत कात्तिक २३ गते बसेको सञ्चालक समिति बैठकले मंसिर २३ मा साधारण सभा बस्ने निर्णय गरेको हो ।

साधारण सभामा बैंकले १०.५०% बोनस सेयर र कर तिर्न ०.५५% नगद लाभांश वितरण गर्ने प्रस्ताव पेश हुनेछ । साधारण सभामा आर्थिक वर्ष २०७९/८० को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव रहेको छ ।

साथै, साधारण सभाले अन्य उपयुक्त बैंक तथा वित्तीय संस्था आपसमा गाभ्ने, गाभिने र प्राप्ति गर्न आवश्यक पर्ने सम्पूर्ण कार्य गर्न सञ्चालक समितिलाई अख्तियारी दिने विशेष प्रस्ताव पनि अनुमोदन गर्नेछ ।

त्यस्तै, आर्थिक वर्ष २०८०–८१ का लागि लेखापरीक्षक नियुक्ति गरी पारिश्रमिक निर्धारण गर्ने र बैंकको प्रबन्धपत्र संशोधन गर्ने एजेन्डा पनि छ ।

साधारणसभा प्रयोजनका लागि बैंकले मंसिर ११ गतेदेखि मंसिर २३ गतेसम्म बुक क्लोज गरेको छ । तसर्थ, मंसिर १० गतेसम्म कायम रहेका सेयरधनी मात्र सभामा भाग लिन र प्रस्तावित लाभांश पाउन सक्नेछन् ।साधारण सभा ड्रिमल्याण्ड गोल्ड रिसोर्ट एन्ड प्रा. लि. मणिग्राम, रुपन्देहीमा बिहान ११ बजे सुरु हुनेछ ।