काठमाडाैं । कोका–कोला नेपालले आफ्नो बहुप्रतीक्षित फिफा विश्वकप २०२६ अभियान औपचारिक रूपमा सुरु गरेको छ । काठमाडाैंमा आयोजित एक विशेष समारोहका बीच खेलकुद र मनोरञ्जन क्षेत्रका चर्चित व्यक्तित्वहरूको उपस्थितिमा यो अभियानको घोषणा गरिएको हो ।

अभियानको मुख्य अनुहारका रूपमा नेपाली राष्ट्रिय फुटबल टोलीका खेलाडीहरू अन्जन विष्ट र अन्जन राना मगरका साथै अभिनेत्री स्वस्तिमा खड्कालाई पनि प्रस्तुत गरिएको थियो । उनीहरूले स्टेजमा आफ्नो अनुभव साट्दै फुटबलले ल्याउने खुसी र उत्साहबारे आफ्ना धारणाहरू व्यक्त गरेका थिए ।

साथै कार्यक्रमको मुख्य आकर्षणका रूपमा नेपाली चलचित्र क्षेत्रका चर्चित अभिनेता प्रदीप खड्कालाई कोका–कोला नेपालको नयाँ ब्रान्ड एम्बासडरका रूपमा सार्वजनिक गरिएको थियो । ब्रान्ड एम्बासडर नियुक्त भएपछि खड्काले कोका–कोला परिवारमा जोडिन पाउँदा खुसी व्यक्त गर्दै कम्पनीप्रति आभार प्रकट गरे ।

समारोहमा फिफा विश्वकप २०२६ का स्टारहरू र अभियानसँग सम्बन्धित अडियो–भिजुअल सामग्रीका साथै कोका–कोलाको आधिकारिक एन्थेम र नयाँ टेलिभिजन विज्ञापन (टिभीसी) समेत प्रदर्शन गरिएको थियो । यसै अवसरमा छिट्टै बजारमा आउने फिफा विश्वकप २०२६ को थिममा आधारित सीमित संस्करणका आधिकारिक ‘कोका–कोला फिफा प्याक’हरूको पहिलो झलक समेत देखाइएको थियो ।

कोका–कोला र फिफाबीचको सहकार्य विश्व खेलकुदकै सबैभन्दा लामो साझेदारीमध्ये एक हो, जुन सन् १९७४ मा सुरु भई सन् १९७८ देखि विश्वकपको आधिकारिक प्रायोजकको रूपमा रहँदै आएको छ ।

नेपालमा पनि पाँच दशकभन्दा बढी समयदेखि सक्रिय रहेको कोका–कोलाको यस नयाँ अभियानले विश्वव्यापी फुटबल संस्कृतिलाई नेपाली दर्शकहरूको उत्साहसँग जोड्ने लक्ष्य राखेको छ ।