स्पेनी ला लिगाको शीर्षमा रहेको बार्सिलोनाले शनिबार सेल्टा भिगोसँग २–२ को बराबरी खेलेको छ । दुई मिनेटको अन्तरमा दुई गोल खाएपछि बार्सिलोनाले आफ्नो ठोस अग्रता गुमाएको हो र यससँगै एकै अंकमा चित्त बुझाउन बाध्य रह्यो ।

राफिन्हाको गोलले अग्रता लिएको बार्सिलोनाका लागि रोबर्ट लेवनडोस्कीले दोस्रो गोल थपे र टिम २–० ले अगाडि रह्यो । त्यसपछि सेल्टा भिगोका लागि एलफोन गोन्जालेजले ८४ र ह्युगो अल्भारेजले ८६ औं मिनेटमा गोल फर्काए ।

मार्क कसाडोलाई रातो कार्डमा गुमाएपछि बार्सिलोना खेलको अन्त्यतिर दस खेलाडीमा सीमित रहेको थियो । यो नतिजापछि बार्सिलोना ३४ अंकमा शीर्षकै कायम रह्यो ।

अंक तालिकाको तेस्रोमा रहेको एटलेटिको म्याड्रिडले डेपोर्टिभो लाकुरुनालाई २–१ ले हरायो । एटलेटिकोको २७ अंक भएको छ । रियल म्याड्रिड भने २९ खेलमा दोस्रो स्थानमा छ ।