काठमाडौं । नेपाली बजारमा आज सुनको मूल्य प्रति तोला एक हजार एक सय रुपैयाँले वृद्धि भएको छ । छापावाला सुन आज प्रतितोला ९६ हजार चार सय रुपैयाँमा कारोवार भएको हो ।

छापावाला सुन सोमबार प्रतितोला ९५ हजार तीन सय रुपैयाँमा कारोवार भएको थियो । यस्तै तेजाबी सुन प्रतितोला ९५ हजार नौ सय रुपैयाँमा कारोवार भएको छ ।

त्यस्तै चाँदी प्रतितोला १० ले वृद्धि भई प्रतितोला एक हजार ३ सय ३५ रुपैयाँमा कारोवार भएको छ । अन्तर्राष्ट्रिय बजारमा सुन प्रतिऔंस १९ सय ४० डलर पुगेपछि त्यसको असर नेपाली बजारमा देखिएको हो ।

अन्तर्राष्ट्रिय बजारमा सुनको भाउ अझै बढ्ने सम्भावना रहेकाले नेपाली बजारमा पनि भाउ बढ्ने सम्भावना देखिएको नेपाल सुनचाँदी व्यवसायी महासङ्घले जनााएको छ । अन्तर्राष्ट्रिय बजारमा डलर कमजोर रहेकाले लगानीकर्ता सुनमा आकर्षित भएका छन् ।