काठमाडौं। नेपाली कांग्रेसको १४ औं महाधिवेशन अन्तर्गत आज असोज ५ गते ७ जिल्लामा वडा अधिवेशन शुरू भएको छ ।

आज काठमाडौं सहित काभ्रेपलाञ्चोक, सिन्धुपाल्चोक, कपिलवस्तु, बर्दिया, बाजुरा, र मोरङमा वडा अधिवेशन भैरहेको कांग्रेसको केन्द्रीय निर्वाचन समितिले जनाएको छ ।

अझै १३ जिल्लामा अधिवेशन हुन सकेको छैन । रसुवा, डोल्पा, बाँके, कैलाली र सुर्खेतमा क्रियाशिल सदस्यता विवाद टुंगो लाग्न नसकेकाले वडा अधिवेशन अब कहिले हुने टुंगो लाग्न सकेको छैन ।

यधपी यी जिल्लाहरूमा पनि क्रियाशिल सदस्यता विवाद समाधान समितिले विवाद टुङ्गिएको जनाएको थियो । कांग्रेसको १४ औ महाधिवेशन मंसिर ९ देखि १३ गतेसम्म काठमाडौमा हुँदैछ ।

काठमाडौंका १६८ वटै निर्वाचन क्षेत्रमा वडा समिति र क्षेत्रिय प्रतिनिधिको उम्मेदवारी दर्ताको प्रकृया शुरू भएको छ । कतिपय वडामा सहमति गर्ने प्रयास भैरहेको छ भने सबै प्रायस् सबै वडाहरूमा निर्वाचन हुने अवस्था देखिएको छ। निर्वाचन भएमा मत परिणाम मध्यराती सम्ममा घोषणा भइसक्ने छ।