काठमाडौं ।  बिश्व सम्पदा दिवसको उपलक्ष्यमा हस्तकला प्रदर्शनी तथा जीवन्त कला प्रदर्शनी ललितपुर दरवार स्क्वायर सम्पन्न भएको छ ।

बिश्व सम्पदा दिवस २०२३ (  World Heritage Day 2023 ) को उपलक्ष्यमा बिश्व सम्पदा सूचीमा रहेको ललितपुर दरवार स्क्वायर क्षेत्रमा नेपाल सम्पदा संघको आयोजनामा हेरिटेज वाक, कला प्रदर्शनी, मेला, सास्कृतिक प्रदर्शनी, पुस्तक प्रदर्शनी , प्रवचन तथा सास्कृतिक कार्यक्रम सहित अन्य बिबिध कार्यक्रमका साथ २०८० बैशाख २ गते शनिबार देखि बैशाख ५ गते मंगलबार सम्म भब्यतापूर्वक सम्पन्न भएकोछ ।

सोही अवसरमा सम्पदा संरक्षणबाट हस्तकलाको संरक्षण र प्रवद्र्धन हुने तथा नेपाली
सम्पदा र नेपाली हस्तकलाको अन्तर सम्बन्ध दर्शाउन नेपाल हस्तकला महासंघ तथा नेपाल सम्पदा संघको संयुक्त आयोजना र सहकार्यमा बिश्व सम्पदाको सूचीमा रहेका ललितपुर दरवार स्क्वायरको पाटन संग्रहालयको परिसरमा बिभिन्न बिधाका हस्तकला प्रदर्शनी तथा हस्तकला उत्पादनको जीवन्त प्रदर्शनीको आयोजना गरिएको थियो ।

पाटन संग्रहालय बिदेशी पर्यटकहरुबाट पनि अवलोकन गरिने हुनाले पर्यटकहरु मार्फत नेपाली हस्तकलाको प्रचार प्रसार र प्रवद्र्धन पनि हुने अपेक्षा सहित २०८० साल बैशाख २ गते शनिबार देखि ५ गते मंगलबार सम्म तद्अनुसार सन्२०२३ अप्रिल १६ देखि १८ तारिख सम्म आयोजना गरिएको थियो ।

सो प्रदर्शनीमा करिब २ हजार बिदेशी पर्यटकहरु सहित कुल २० हजार ब्यक्तिहरुबाट अवलोकन गरिएको उक्त मेलाका संयोजक दिल्लीरत्न तुलाधरले बताए ।

धातुका मूर्ति, सिङ्गिग बल, सेरामिक्सका बस्तुहरु, पोतेका समानहरु, फेल्ट, चाँदीका गरगहना, नेपाली तयारी पोशाक, ढाकाका बस्तुहरु, मिथिला आर्ट आदिको बस्तुहरु उक्त प्रदर्शनीमा प्रदर्शित गरिएको थियो ।

यसै गरी उक्त प्रदर्शनीमा काष्ठकला, प्रस्तरकला, पुंकला, थोज्याः माँज्याः, मैनकला, चाँदी कला , सेरामिक्स, पौभाकला, मिथिला आर्ट, परम्परागत चित्रकला र जिवन्त चित्रकलाहरुको जीवन्त प्रदर्शनी गरिएको सो कार्यक्रममा करिब ८ लाख मूल्य बराबरको प्रत्यक्ष कारोवार भएको अनुमान गरिएको छ ।