काठमाडौं । बन्दीपुर केबलकार एन्ड टुरिजमको आइपीओ आज बाँडफाँट गरिएको छ। धितोपत्र बिक्री प्रबन्धक नेपाल एसबीआई मर्चेन्ट बैंकिङको कार्यालयमा बन्दीपुर केबलकारको आइपीओ बाँडफाँट गरिएको हो।

कम्पनीले गत भदौ ११ गतेदेखि १५ गतेसम्म सर्वसाधारणका लागि निष्कासन गरेको थियो। कम्पनीले १०० रुपैयाँ अंकित दरका कुल ४३ लाख ४१ हजार ८० कित्ता शेयर जारी गरेको थियो।

यो आइपीओमा कुल २४ लाख २२ हजार १७७ आवेदकबाट कुल २ करोड ७६ लाख ३७ हजार ७२० कित्ता शेयर मागेको थियो। जसमा २४ लाख २२ हजार १७७ जनाको आवेदन सदर भएको थियो।

मागभन्दा बढी आवेदन परेकै कारण यो आइपीओ गोलाप्रथाबाट फाँडफाँट गरिएको छ। जसमा भाग्यमानी जसमध्ये ४ लाख ३४ हजार १०८ जनाले १० कित्ताका दरले शेयर पाएका छन्।

यो आइपीओको अन्तिम नतिजा केहीबेरमा सार्वजनिक हुनेछ। नतिजा आइपीओ बिक्री प्रबन्धक नेपाल एसबीआई मर्चेन्ट बैंकिङ, मेरो शेयर र सीडीएससीको iporesult.cdsc.com.np मा हेर्न सकिनेछ।