आर्थिक सञ्जाल बुधबार, ५ चैत्र २०७६

काठमाडौं । एनआईसी एशिया लघुवित्त वित्तीय संस्था लिमिटेडलाई ४७ लाख ५५ हजार कित्ता आईपीओ विक्री गर्न नेपाल धितोपत्र बोर्डले स्वीकृति प्रदान गरेको छ । बोर्डले कम्पनीलाई ४७ करोड ५५ लाख रुपैयाँ बराबरको आईपीओ विक्री गर्न फागुन ४ गते स्वीकृति प्रदान गरेको हो । लघुवित्त क्षेत्रकै सबैभन्दा बढी आईपीओ निष्कासनका लागि यस कम्पनीले बोर्डको स्वीकृति पाएको हो ।

केयर रेटिङ्ग नेपालले यस कम्पनीको आईपीओलाई औषतभन्दा कम आधारको संकेत गर्ने आईपीओ ग्रेड ४ प्लसको रेटिङ्ग प्रदान गरेको छ । कम्पनीको आईपीओ विक्री प्रबन्धकको जिम्वेवारी सानिमा क्यापिटलले पुरा गर्नेछ ।

हाल कम्पनीको चुक्ताूपूँजी  १  अर्ब ४५ लाख रुपैयाँ रहेको छ । चालू आर्थिक वर्षको दोस्रो त्रैमाससम्म कम्पनीले  ११ करोड १२ लाख रुपैयाँ भन्दा बढी नाफा गरेको छ । त्यस अवधिसम्म कम्पनीको जगेडा कोषमा २१ करोड ८८ लाख रुपैयाँभन्दा बढी रकम रहेको छ ।