काठमाडौं । बीमा दोकान आठौँ वर्षमा प्रवेश गरेको छ । आज मिति २०८२ पुस १८ गतेबाट बीमा दोकानले आफ्नो स्थापनाको सातौँ वर्ष सफलतापुर्वक पार गरी आठौँ वर्षमा प्रवेश गरेको हो ।

यस सुखद अवसरमा कम्पनीले सम्पुर्ण ग्राहक बर्गहरु, कर्मचारी तथा प्रत्यक्ष वा अप्रत्यक्ष रुपमा सल्लाह सुझाव दिई सहयोग प्रदान गर्ने सम्पुर्ण महानुभावहरु प्रति हार्दिक आभार प्रकट गरेको छ । कम्पनीले यो सात बर्षको यात्रमा लाखौं नागरिकलाई आफ्नो सेवा उपलब्ध गराई सकेको छ ।

अहिले बीमा दोकानले आफ्नो वेभसाइट लञ्च गरेर आफ्ना ग्राहकवर्गलाई छिटो, छरितो रुपमा सेवा प्रवाह गर्दै आइरहेको छ । बीमा क्षेत्रमा देखिएका कमीकमजोरी तथा समस्याहरुलाई सुधार गर्दै आगामी दिनमा अझै शसक्त भएर अगाडी बढ्ने अठोट समेत बीमा दोकानले लिएको छ ।

कम्पनीले बीमालाई दैनिक किस्ता (EDI) मार्फत गर्दै आइरहेको छ भने उक्त दैनिक किस्ता ई–सेवा र खल्ति लगाएतका पेमेन्ट गेटवे मार्फत सहजिकरण गर्ने गरेकोछ ।

जसले गर्दा थोरै आम्दानी भएका र बीमाबाट बन्चित रहेका मानिसहरु पनि बीमाको दायरामा आउन मद्दत पुगेको विश्वास छ । जुन बीमा क्षेत्रको लागी सकारात्मक कदम पनि हो ।

बीमा दोकानले बीमा क्षेत्रमा फरक तरिकाले आफुलाई प्रस्तुत गरी बीमा जगतमा छुट्टै छाप बनाउन सफल भएको छ ।

कम्पनीले संस्थागत अभिकर्ता अन्तर्गत रही कार्य गर्दै आईरहेको छ । कम्पनीको मुख्य उद्देश्य भनेको बीमाका जानकारीहरुलाई ग्राहकहरु समक्ष सहज र सरल तरिकाले पुर्‍याई बीमाको दायरामा ल्याउनु हो ।

त्यस्तै, सानो सानो आम्दानी भएका व्यक्तिहरुलाई पनि बीमा क्षेत्रमा वा बीमाको पहुँचमा ल्याउनुको साथै, बीमा सरेन्डर  रेसियोलाई  पनि  न्युनिकरण  गर्न बिभिन्न भूमिका निर्वाह गर्ने मुख्य योजना रहेको छ ।

बीमा दोकानले आफ्नो सेवा देशभर नै विस्तार गरी आम नागरिकलाई बीमाको दायरामा ल्याउने साथै, आफ्ना सेवाहरुलाई परिष्कृत गर्दै सरल र सहज ढङ्गबाट अझै उत्कृष्ट सेवा दिने प्रतिबद्धता समेत जाहेर गरेको छ भने हाल सम्म देशभर बीमा दोकानका ६० भन्दा बढि बीमा प्रोमोटर हरू रहेकाछन जुन बढ्दो क्रममा रहेको छ।

बीमालाई गाँस, बाँस र कपासपछिको अत्यावश्यक आवश्यक्ताको रुपमा परिचित गराउने कम्पनीको मिसन रहेको छ भने एक व्यक्ति एक बीमा बमिा पोलिसीको अवधारणा निर्माण गर्ने भिजन रहेको छ ।