काठमाडौं । प्रभु इन्स्योरेन्सको लाभांश सुरक्षित गर्ने (साउन १ गते)बिहीबार अन्तिम दिन हो । साउन २३ गते वार्षिक साधारण सभा बोलाएको कम्पनीले साउन २ गते बुक क्लोज गर्दैछ । तसर्थ, (साउन १ गते) कायम सेयरधनीले मात्र कम्पनीले वितरण गर्ने लाभांश सुरक्षित गर्न सक्नेछन् ।

इन्स्योरेन्स कम्पनीले गत वर्षको नाफाबाट १८ प्रतिशत बोनस सेयर र कर प्रयोजनका लागि ०९४७४ प्रतिशत नगद लाभांश वितरण गर्ने प्रस्ताव साधारण सभामा पेश गर्दैछ ।

यसका साथै, उक्त बोनस सेयरपछि कायम हुने चुक्ता पुँजीमा ४७ प्रतिशत हकप्रद सेयर जारी गर्ने प्रस्ताव पनि पेश गर्नेछ ।

इन्स्योरेन्स कम्पनीले यसअघि ५०.१५ प्रतिशत हकप्रद सेयर जारी गर्ने जनाएको थियो । तर बोनस सेयरपछि पुँजी वृद्धि हुने भएकाले उक्त हकप्रद सेयर अनुपात संशोधन गरी ४७ प्रतिशतमा झारिएको जानकारी गराएको छ ।

साधारण सभा प्रभु इन्स्योरेन्स लिमिटेड, प्रभु कम्प्लेक्स तिनकुने, काठमाडौंमा बिहान ११ बजे सुरु हुनेछ ।