citizens life insurance long ad
stcnepal long ad
Himalayan bank
national life

हिमालयन लाइफ इन्स्योरेन्सको कुल बीमा शुल्क आर्जन ४ अर्ब ३८ करोड

बीमा कोष ५५ अर्ब नाघ्यो

Prabhu Insurance Long Ad
himalayan Everest Insurance long ad

काठमाडौं । हिमालयन लाइफ इन्स्योरेन्स लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ ।

प्रकाशित तथ्यांक अनुसार कम्पनीको नाफा ३५ दशमलव ३८ प्रतिशतले वृद्धि हुँदै २४ करोड १३ लाख पुगेको छ। गत आर्थिक वर्ष सोही अवधिमा नाफा १७ करोड ८३ लाख रुपैयाँ थियो ।

३ महिनाको अवधिमा कम्पनीले ४ अर्ब ३८ करोड कुल बीमा शुल्क आर्जन गरेको छ । कुल बीमा शुल्क आर्जनबाट कम्पनीले १५ करोड ४५ लाख रुपैयाँ पुनर्बीमामा खर्चिएको छ भने ४ अर्ब २२ करोड खुद बीमा शुल्क आर्जन गरेको छ ।

कुल बीमा शुल्क आर्जन १४ दशमलव ४९ प्रतिशतले वृद्धि हुँदा खुद बीमा शुल्क आर्जन ११ दशमलव ०७ प्रतिशतले वृद्धि भएको छ ।

त्यस्तै तीन महिनाको अवधिमा कम्पनीले अभिकर्ता कमिशन अन्तर्गत ३६ करोड १ लाख खर्च गरेको छ । गत आर्थिक वर्षको पहिलो त्रैमासमा कम्पनीले ३६ करोड २३ लाख खर्च गरेको थियो ।

८ अर्ब २ करोड चुक्ता पुँजी भएको कम्पनीको संचित मुनाफा ५५ दशमलव ६१ प्रतिशतले वृद्धि हुँदै १ अर्ब १५ करोड संचित भएको छ ।

त्यस्तै अन्य इक्वीटी १० करोड ४५ लाख पुगेको छ । जीवन बीमा कोष असार मसान्तको तुलनामा ६ दशमलव २२ प्रतिशतले वृद्धि हुँदै ५५ अर्ब ३६ करोड पुगेको छ। असार मसान्तमा जीवन बीमा कोष ५२ अर्ब १२ करोड थियो ।

प्रकाशित विवरण अनुसार कम्पनीको प्रति शेयर आम्दानी १२ रुपैयाँ ०४ पैसा र प्रति शेयर नेटवर्थ १२१ रुपैयाँ ६२ पैसा छ ।

himalayan life insurance
igi long