काठमाडौं ।महिला लघुवित्तको आइपीओ भर्ने आज  फागुन ५ गते बुधबार अन्तिम दिन हो । आज कार्यालय समयसम मात्र यसमा आवेदन दिन सकिनेछ ।

यसअघि कम्पनीले माघ ३० गतेबाट फागुन ४ गतेसम्म आइपीओ बिक्री खुला गर्ने जनाएको थियो । तर, माघ ३० गते सार्वजनिक विदा परेकाले कम्पनीले १ दिनको समय थप गरेर आजसम्म भर्न पाउने ब्यवस्था गरेको हो । कम्पनीले ४ लाख कित्ता आइपीओ बिक्री खुला गरेको हो ।

कुल खुला गरिएको मध्ये ०.५५ (५ हजार कित्ता) कम्पनीका कर्मचारीलाई सुरक्षित गरिएको छ भने ५५ (२० हजार कित्ता) सेयर म्युचुअल फन्डलाई बाँडफाँट गरिएको छ ।

बाँकी ३ लाख ७५ हजार कित्ता सेयरमा सर्वसाधारणले आवेदन दिन सक्नेछन् । यसमा न्यूनतम १० कित्तादेखि अधिकतम १ हजार कित्तासम्म आवेदन दिन सकिनेछ । लगानीकर्ताले सी–आस्वाको माध्यमबाट आवेदन दिन सक्नेछन् । यो आइपीओमा नेपाल एसबीआई मर्चेन्ट बैंकिङले बिक्री प्रबन्धकको काम गरेको छ ।