काठमाडौं । एनआइसी एशिया क्यापिटल लिमिटेडले लाभांश पारितको प्रस्ताव सहित आठौं वार्षिक साधारणसभा डाकेको छ ।

सभाले गत आर्थिक वर्ष २०८०/ ८१ को सञ्चालक समितिको वार्षिक प्रतिवेदन छलफल, लेखापरीक्षकको प्रतिवेदन सहित असार मसान्तसम्मको वासलात, नाफा–नोक्सान हिसाब तथा सो अवधिको नगद प्रवाह विवरण लगायत वित्तीय विवरण छलफल गरी पारित गर्नेछ ।

साथै, कम्पनीको प्रबन्धपत्र तथा नियमावली संशोधनका लागि सञ्चालक समितिलाई अख्तियारी दिने, चालू आर्थिक वर्षका लागि  लेखापरीक्षक नियुक्ति र निजको  पारिश्रमिक निर्धारण पनि साधारणसभाले गर्नेछ ।

साधारणसभाले चुक्ता पुँजीको ५२.५३ प्रतिशत (करसहित) का दरले हुन आउने १० करोड ५० लाख ६० हजार रुपियाँ बराबरको नगद लाभांश वितरणको प्रस्ताव स्वीकृत गर्नेछ ।

साधारणसभा भदौ १५ गते कम्पनीको रजिस्टर्ड कार्यालय थापाथली, काठमाडौंमा बिहान ९ बजेदेखि सुरु हुनेछ ।