citizens life insurance long ad
stcnepal long ad

नेपाल इन्स्योरेन्सको कुल बीमाशुल्क आर्जन ६७ प्रतिशतले बढ्यो

Nimb long ad
Prabhu Insurance Long Ad

काठमाडौं । नेपाल इन्स्योरेन्सले चालु आर्थिक वर्ष २०८३/८४ को प्रथम त्रैमास (साउन–असोज) सम्मको अपरिष्कृत वित्तीय विवरण सार्वजनिक गरेको छ।

वित्तीय विवरण अनुसार कम्पनीले चालु आर्थिक वर्षको असोजसम्म २० करोड ४७ लाख रुपैयाँ घाटा व्यहोरेको छ। अघिल्लो आर्थिक वर्ष २०८२/८३ को यही अवधिसम्म पनि कम्पनीले ९ करोड ६३ लाख रुपैयाँ नोक्सानी व्यहोरेको थियो।

चुक्तापुँजी २ अर्ब ५४ करोड रुपैयाँ रहेको कम्पनीको समीक्षा अवधिसम्म स्पेसल रिर्जभमा १ अर्ब ५७ करोड रुपैयाँ, महाविपत्ति कोषमा ११ करोड ८५ लाख रुपैयाँ र अन्य इक्विटीमा ७ करोड ४८ रुपैयाँ रहेको छ भने रिटेन्ड अर्निङ १४ करोड ७३ लाख रुपैयाँले ऋणात्मक रहेको छ।

अघिल्लो वर्ष असार मसान्तसम्म कम्पनीको स्पेसल रिर्जभमा १ अर्ब ५७ करोड ९९ लाख रुपैयाँ, महाविपत्ति कोषमा ११ करोड ८५ लाख रुपैयाँ, रिटेन्ड अर्निङमा ५ करोड ७३ लाख रुपैयाँ र अन्य इक्विटीमा १२ करोड १३ लाख रुपैयाँ रहेको थियो।

समीक्षा अवधिसम्म कम्पनीले ६९ करोड ८२ लाख रुपैयाँ कुल बीमाशुल्क आर्जन गरेको छ। अघिल्लो वर्षको यसै अवधिमा कम्पनीले ४१ करोड ७३ लाख रुपैयाँ कुल बीमाशुल्क संकलन गरेको थियो। अघिल्लो वर्षको तुलनामा कम्पनीको कुल बीमाशुल्क ६७ दशमलव ३० प्रतिशतले बढी हो ।

चालु वर्षको असोजसम्म कम्पनीले १८ करोड २५ लाख रुपैयाँ खुद बीमा शुल्क संकलन गरेको छ। अघिल्लो वर्षको यही अवधिसम्म कम्पनीले २० करोड ७९ लाख रुपैयाँ खुद बीमा शुल्क संकलन गरेको थियो। अघिल्लो वर्षको तुलनामा कम्पनीको खुद बीमाशुल्क आर्जन भने घटेको हो ।

चालु आर्थिक वर्षको असोजसम्म कम्पनीको वार्षिकीकृत प्रतिशेयर आम्दानी (ईपीएस) ८ रुपैयाँ ०३ पैसाले ऋणात्मक रहेको छ । कम्पनीको प्रतिशेयर नेटवर्थ १६७ रुपैयाँ रहेको छ।

IME Life
kumari