३० बैशाख २०७८, बिहीबार

तेस्रो त्रैमासमै मुक्तिनाथ विकास बैंक अर्बपति क्लबमा

आर्थिक सञ्जाल
७ बैशाख २०७८, मंगलवार ०८:४८

काठमाडौं । तेस्रो त्रैमासिक अवधिमै मुक्तिनाथ विकास बैंक अर्बपति क्लबमा उक्लिएको छ । बैंकले चालु आर्थिक वर्षको तेस्रो त्रैमासिक अवधिमा एक अर्ब रुपैयाँ मुनाफा आर्जन गरेको थियो ।

गत वर्षको यहि अवधिको तुलनामा बैंकले ४८.७५ प्रतिशलते मुनाफा बढाएको छ । गत वर्षको यहि अवधिमा ६७ करोड ६० लाख रुपैयाँ नाफा आर्जन गरेको थियो ।

बैंकको खुद व्याज आम्दानी ११.८२ प्रतिशलते बढेको छ । यहि अवधिमा बैंकले एक अर्ब ८९ करोड रुपैयाँ खुद व्याज आम्दानी गरेको छ । तेस्रो त्रैमासिक अवधिमा ६७ अर्ब ७९ अर्ब ७७ करोड रुपैयाँ निक्षेप संकलन गरि ६८ अर्ब ५७ करोड रुपैयाँ ऋण लगानी गरेको छ ।

खराब कर्जा गत वर्ष ०.०९ प्रतिशत मात्रै रहेकोमा यस वर्ष ०.२१ प्रतिशत पुगेको छ । प्रतिशेयर आम्दानी ७ रुपैयाँले बढेर २७ रुपैया पुगेको छ । हाल बैंकको चुक्ता पूँजी ४ अर्ब ८१ करोड रुपैयाँ रहेको छ भने जगेडा कोषमा एक अर्ब ८४ करोड रुपैया जम्मा भएको छ ।