७ बैशाख २०७८, मंगलवार

मुक्तिनाथ विकास बैंकले एक अर्ब २५ करोड रुपैयाँको ऋणपत्र निष्काशन गर्ने

आर्थिक सञ्जाल
२४ चैत्र २०७७, मंगलवार १०:१९

काठमाडौं । मुक्तिनाथ विकास बैंकले उक अर्ब २५ करोड रुपैयाँ ऋणपत्र निष्काशन गर्ने भएको छ । बैंकले ऋणपत्र निष्काशन तथा बिक्रि प्रवन्धकमा सानिमा क्यापिटललाई नियुक्त गरेको हो ।

बैंकले प्रति ऋणपत्र एक हजार रुपैयाँको दरमा १२ लाख ५० हजार कित्ता मध्ये ७ लाख ५० हजार कित्ता व्यक्तिगत तबरले बिक्री गर्ने छ भने ५ लाख कित्ता सर्वसाधारणका लागि बिक्री गर्ने बैंकले जनाएको छ ।

सर्वसाधारण तर्फको ५ लाख कित्ता मध्ये २५ हजार कित्ता म्युचुअल फण्डका लागि छुट्टाएको छ भने बाँकी सर्वसाधारण नेपालीहरुलाई बिक्री गर्ने बैंकले जनाएको छ ।

सोमबार सानिमा क्यापिटलका तर्फबाट प्रमुख कार्यकारी अधिकृत भिष्मराज चालिसे र मुक्तिनाथ विकास बैंकका तर्फबाट प्रमुख कार्यकारी अधिकृत प्रद्युमन पोखरेलले सम्झौता पत्रमा हस्ताक्षर गरेका छन् ।

सानिमा क्यापिटलले निष्काशन तथा विक्री प्रवन्धक, शेयर रजिष्ट्रार, शेयर प्रत्याभुति सेवा तथा लगानी ब्यवस्थापन सेवा र सामुहिक लगानी कोष संचालन गर्दै आइरहेको छ ।