८ बैशाख २०७८, बुधबार

इन्भेष्टमेन्ट बैंकको लाभांश सुरक्षित गर्ने आज अन्तिम मौका

आर्थिक सञ्जाल
२१ पुष २०७७, मंगलवार ०८:५६

काठमाडौं । नेपाल इन्भेष्टमेन्ट बैंकको लाभांश सुरक्षित गर्ने आज पुस २१ गते मंगलबार अन्तिम दिन हो । साधारण सभा प्रयोजनका लागि पुस २२ गते बुक क्लोज गर्ने भएको छ । यसर्थ, लाभांश हात पार्न आजै सेयरधनी बनिसक्नुपर्नेछ । बैंकले गत वर्षको नाफाबाट १३% बोनस सेयर र ५.५०% नगद लाभांश वितरण गर्दैछ ।

साथै, अन्य कुनै बैंक तथा वित्तीय संस्थालाई मर्ज वा एक्वायर गर्नुपरेमा सम्पूर्ण अख्तियारी सञ्चालक समितिलाई दिने प्रस्ताव पनि रहेको छ । इन्भेष्टमेन्ट बैंकले अधिकृत पुँजी बढाएर १८ अर्ब रुपैयाँ पुर्याउने प्रस्ताव पनि पेश गर्नेछ ।

यस्तै, बोनस सेयर वितरणपछि चुक्ता पुँजी बढ्ने भएकाले सोही अनुसार प्रबन्धपत्र संशोधन गर्ने एजेन्डा पनि छ ।

बैंकको साधारण सभा माघ ८ गते हुने भएको छ । सभा बैंकको केन्द्रीय कार्यालय दरबारमार्ग, काठमाडौंमा बिहान १० बजे सुरु हुनेछ । सभामा भिडियो कन्फ्रेन्सको माध्यमबाट पनि सहभागी बन्न सकिने बैंकले जनाएको छ ।