२० फाल्गुन २०७७, बिहीबार

कांग्रेसले ७ बुदे माग पेश गर्याे

आर्थिक सञ्जाल
२० श्रावण २०७७, मंगलवार १९:३८
काठमाडौ । प्रधानमन्त्री केपि शर्मा ओलीले बोलाउनु भएको आजको बालुवाटार बैठकमा नेपाली कांग्रेसका तर्फबाट सभापति शेरबहादुर देउवाले ७ बुंदे सुझाव र माग पेश गरेका छन ।
जसमा पिसिआर प्रदेश स्तरमा एक-एक लाख परिक्षण गर्न माग गरिएकाे छ ।कांग्रेसले पेश गरेकाे ७ बुदे माग निम्न रहेका छन ।
(१)
हालसम्मका कमजोरी र प्रगतिको गहिरो समिक्षा गरियोस् । स्वास्थ सामग्री खरिदमा भएको अनियमितता र भ्रष्टाचार ढाकछोप होइन छानबिन र कार्वाही गरियोस् ।
(२) नेपाली कांग्रेसले विगत देखिनै अघि सारेका माग तथा परिवर्तित स्थितिमा निम्न बिषय सम्बोधन गरेर युद्धस्तरमा कार्य गर्न बिशेष ध्यानाकर्षण गराउंदछु ।
* आरडीटी परिक्षण स्थायी रुपले अन्त्य गरियाेस ।
* सम्पूर्ण रुपले पीसिआर परिक्षण गर्दै एक प्रदेशमा एकलाख नयाँ परिक्षण तत्काल प्रारम्भ गर्ने गरि आवश्यक बन्दोबस्त गरियाेस ।
* स्वास्थ सामग्रीको पर्याप्त प्रबन्ध गरियाेस । अत्यावश्यक पर्ने औषधि रेमडिसिभरको आयातमा तदारुकता देखाइयाेस । आइसोलेसन वार्ड विस्तार र भेन्टिलेटरको अत्यावश्यक प्रबन्ध गरियाेस ।
* मापदण्ड अनुरुप क्वारेन्टाइनहरुको यथाशीघ्र ब्यवस्थापन गरियाेस ।
* विदेशमा अप्ठ्यारोमा परेका नेपालीको निःशुल्क उद्वार गरि क्वारेन्टाइन र परिक्षण पश्चात् घर पुरयाउने ब्यवस्था गरियाेस ।
* नेपालीको उद्दार गर्नुपर्ने स्थितिमा बाहेक सिमानाको आवागमनमा सम्पूर्ण कडाइ र सिमा नाका सिल गरियाेस ।
* सुरक्षाका लागि मास्क लगाउने अनिवार्यता संगै चेतनामूलक अभियानमा आम संचारका माध्यमको व्यापक प्रयोग  गरियाेस ।
(३) परिस्थिति अनुरुपका रणनीति निर्माण गर्न बिज्ञहरुसंग परामर्श गर्ने क्रमलाई नियमितता दिएर निर्मित रणनीतिको चुस्त कार्यान्वयनका लागि तदारुकता राखियोस् ।
(४) विभिन्न दल, संघसंस्था र आम संचार माध्यमका सुझाव नियमित रुपले ग्रहण गरेर कार्य गर्ने प्रवृत्ति आत्मसात गरियोस् ।
(५) उच्च जोखिम, मध्यम जोखिम र न्यून जोखिमको क्षेत्र पहिचान गरेर भिन्न क्षेत्र भिन्न रणनीति निर्माण र कार्यान्वयन गरियोस् ।
(६) विभिन्न जायज माग अघि सारेर आमरण अनशनमा बसेका युवाहरूको भावना तत्काल सम्बोधन गरेर उनीहरुको जीवन रक्षा गरियोस् ।
(७) बर्ग, क्षेत्र र परिस्थिति हेरि राहतका लागि कार्यक्रम तर्जुमा र कार्यान्वयन ब्यवस्थित ढंगले गरियोस् ।
No description available.