२० फाल्गुन २०७७, बिहीबार

अक्टोबरमा हुने अस्ट्रेलिया र वेस्ट इण्डिजबीचको टी–२० सिरिज स्थगित

आर्थिक सञ्जाल
२० श्रावण २०७७, मंगलवार १३:३३

एजेन्सी । आउँदो अक्टोबरको सुरुवातमा हुने भनिएको अस्ट्रेलिया र वेस्ट इण्डिजबीचको टी–२० अन्तर्राष्ट्रिय सिरिज स्थगित भएको छ । अस्ट्रेलियाको क्रिकेट बोर्डले मङ्गलबार वेस्ट इण्डिजसँगको सिरिज स्थगित गरिएको जनाएको हो ।

अस्ट्रेलियामा तय भएको आईसीसी टी–२० विश्वकपअघि दुई टोलीबीच सिरिज खेल्ने तय भएको थियो तर विश्वकप एक वर्ष सरेपछि सिरिज स्थगित गरिएको क्रिकेट अस्ट्रेलियाले जनाएको छ ।

सिरिज स्थगित भएपछि दुवै टोलीका खेलाडीलाई इण्डियन प्रिमियर लिग (आईपीएल ) खेल्न बाटो खुलेको छ । यूएईमा आयोजना हुने आईपीएल सेप्टेम्बर १९ देखि नोभेम्बर १० तारिखसम्म हुँदैछ ।