२१ फाल्गुन २०७७, शुक्रबार

ग्रामीण विकास लघुवित्तद्धारा कोरोना कोषमा आर्थिक सहयोग

आर्थिक सञ्जाल
२० श्रावण २०७७, मंगलवार १२:४४

काठमाडौं । ग्रामीण विकास लघुवित्तले कोरोना रोकथाम तथा नियन्त्रण कोषमा आर्थिक सहयोग गरेको छ । संस्थाका प्रमुख कार्यकारी अधिकृत लगायत सम्पूर्ण कर्मचारीहरूबाट सहयोग स्वरुप संकलन गरिएको ३४ लाख २३ हजार ६ सय ९८ रुपैयाँ सहयोग गरेको जनाएको छ ।

सहयोग रकम बराबरको चेक अर्थमन्त्री डा. युवराज खतिवडालाई आइतबार संस्थाका सञ्चालक समितिका अध्यक्ष चण्डीप्रसाद घिमिरे र प्रमुख कार्यकारी अधिकृत पर्वत कुमार कार्कीले हस्तान्तरण गरे ।

कार्याक्रममा मन्त्री खतिवडाले यस रकमलाई सरकारले ठुलो सहयोग मानेको र यसरी संकलन भएको रकम कोरोना संक्रमण तथा विपतमा परेका नागरिकहरूको उपचार र उद्धारका लागि नेपाल सरकारले पूर्णरुपमा सदुपयोग गर्ने बताए ।

कार्यक्रममा संस्थाका कम्पनी सचिव दिपक प्रसाद पाण्डे, कर्जा व्यवस्थापन नीति तथा योजना विभागका प्रमुख किरण काफ्ले, वित्त व्यवस्थापन विभागका प्रमुख मोतिराज खनाल र संस्थामा क्रियाशील दुबै कर्मचारी युनियनका अध्यक्षहरुको समेत उपस्थिति रहेको थियो ।