२५ फाल्गुन २०७७, मंगलवार

प्रुडेन्सियल इन्सुरेन्सको ५४ हजार ६३१ कित्ता सेयर लिलामी बोलकबोल भर्ने आज अन्तिम दिन

आर्थिक सञ्जाल
१९ श्रावण २०७७, सोमबार १०:०२

काठमाडौं । प्रुडेन्सियल इन्सुरेन्सको ५४ हजार ६३१ कित्ता सेयर लिलामी बोलकबोल भर्ने आज सोमबार साउन १९ गते अन्तिम दिन हो । सोमबार कार्यालय समयभित्र यसमा आवेदन दिन सकिनेछ ।

कम्पनीले साउन १२ गतेबाट सर्वसाधारण समूहको ५४ हजार ६३१ कित्ता सेयर लिलामी बिक्री खुला गरेको हो । लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । यसअघि प्रुडेन्सियलले १०० रुपैयाँ अंकित मूल्यको ३८ लाख ४९ हजार १२० कित्ता सेयर बिक्री खुला गरेको थियो ।

त्यस समयभित्र आवश्यकता अनुसार हकप्रद सेयर नबिकेपछि कम्पनीले बाँकी रहेको सेयर यतिबेला लिलामीमा ल्याएको हो । बिक्री प्रबन्धक एनएमबि क्यापिटल नागपोखरी, काठमाडौं तथा एनएमबि बैंकको झापा, जनकपुर, चितवन, बाग्लुङ, दाङ, सुर्खेत, मेहन्द्रनगर, विराटनगर, वीरगञ्ज र हेटौडा शाखाबाट आवेदन दिन सकिनेछ ।

त्यसैगरी, एनएमबि बैंककै पोखरा, बुटवल, नेपालगञ्ज र धनगढी शाखाबाट पनि आवेदन दिन पाइनेछ । हाल यस कम्पनीको चुक्ता पुँजी ६४ करोड १५ लाख २० हजार रुपैयाँ रहेको छ । हकप्रद र बाँकी रहेको सेयर लिलामीमा बिक्रीपछि पुँजी १ अर्ब २ करोड ६४ लाख ३२ हजार रुपैयाँ पुग्नेछ ।