२८ बैशाख २०७८, मंगलवार

थप दुई जनामा कोभिड सङ्क्रमण भेटिएसंगै सङ्क्रमितको सङ्ख्या ५९ पुग्यो

आर्थिक सञ्जाल
१९ बैशाख २०७७, शुक्रबार २१:०९

आर्थिक सञ्जाल २०७७ वैशाख १९ गते शुक्रबार

काठमाडौं । स्वास्थ्य तथा जनसङ्ख्या मन्त्रालयले थप दुई जनामा कोभिड–१९ को सङ्क्रमण भेटिएको जनाएको छ ।

मन्त्रालयका अनुसार टेकुस्थित राष्ट्रिय जनस्वास्थ्य प्रयोगशालामा परीक्षणका क्रममा रुपन्देहीका २५ र नेपालगञ्ज बाँकेका ६० वर्षीय पुरुषमा सो सङ्क्रमण देखिएको मन्त्रालयका सहप्रवक्ता डा समिरकुमार अधिकारीले जानकारी दिनुभयो ।

डा अधिकारीका अनुसार संक्रमण देखिएका दुवैजनाको अवस्था सामान्य रहनुको अलावा स्वास्थ्यकर्मीको निगरानीमा रहेको बताउनुभयो । नेपालमा सङ्क्रमितको सङ्ख्या ५९ पुगेको छ भने १६ जना सङ्क्रमित उपचार पछि घर फर्किसकेका छन् ।