८ बैशाख २०७८, बुधबार

कैलाश एक्वायर गरेको प्राइम बैंकको नाफामा उत्साहजनक वृद्धि

आर्थिक सञ्जाल
१७ बैशाख २०७७, बुधबार १०:५९

आर्थिक सञ्जाल २०७७ वैशाख १७ गते बुधबार

काठमाडौँ ।  प्राइम कमर्सियल बैंकले चालु आर्थिक वर्षको तेस्रो त्रैमाससम्म आइपुग्दा २ अर्ब ३ करोड ६ लाख ७५ हजार रुपैयाँ खुद नाफा कमाएको छ । यो गत वर्षको भन्दा ३१.१८% ले बढी हो । चैत मसान्तसम्म आइपुग्दा बैंकको वितरण योग्य नाफा भने घटेको छ । बैंकको सञ्चालन नाफा र खुद ब्याज आम्दानी दुवै बढेकाले खुद नाफा बढ्न टेवा पुगेको हो । खुद ब्याज आम्दानी र सञ्चालन नाफा क्रमशः २८.४१% र ३१.६९% ले बढेको छ ।

बैंकले कन्काई विकास बैंक र कैलाश विकास बैंकलाई एक्वायर गरेका कारण चुक्ता पूँजीमा आकर्षक वृद्धि भएको छ । तर बैंकको प्रतिसेयर आम्दानी भने दबाबमा परेको छ । बैंकको प्रतिसेयर आम्दानी ६ रुपैयाँ ३३ पैसाले घटेर १९ रुपैयाँ ३६ पैसामा सीमित भएको छ ।