३० बैशाख २०७८, बिहीबार

आज वैशाख ११ लोकतन्त्र दिवस

आर्थिक सञ्जाल
११ बैशाख २०७७, बिहीबार १०:१७
आर्थिक सञ्जाल २०७७ वैशाख ११ गते बिहीबार
काठमाडौँ । लोकतन्त्र स्थापना भएको दिनको सम्झनामा आज बिहीबार १४ औं लोकतन्त्र दिवस मनाइँदैछ । कोरोना भाइरस संक्रमणका कारण यस पटक औपचारिक कार्यक्रम भने हुन सकेको छैन ।
२०६३ वैशाख ११ गते आन्दोलनका बलमा तत्कालीन राजा ज्ञानेन्द्र शाहले संसद पुनःस्थापना गरेसँगै लोकतन्त्र आएको स्मरणमा यो दिवस मनाउने गरिएको हो । त्यसबेला १९ दिनसम्म आन्दोलन भएको थियो । सोही आन्दोलनका बलमा लोकतन्त्र पुनःस्थापना भएको थियो ।
नेपाली कांग्रेसका तत्कालीन सभापति गिरिजाप्रसाद कोइरालाको नेतृत्वमा भएको आन्दोलनपछि २०६३ सालमा वैशाख ११ गते संसद पुनःस्थापना भएको थियो । लोकतन्त्र स्थापना भएपछि त्यसै वर्ष जेठ ४ गते बसेको प्रतिनिधिसभाको बैठकले राजतन्त्र निलम्बन सहितका घोषणा गरेको थियो ।
सोही घोषणा बमोजिम पहिलो पटक २०६४ चैत २८ गते पहिलो संविधान सभाको निर्वाचन भएको थियो । संविधान सभाको पहिलो बैठकले २०६५ जेठ १५ गते नेपालमा २४० वर्षे राजतन्त्रको अन्त्य गरी लोकतान्त्रिक गणतन्त्र घोषणा गरेको थियो ।