२८ बैशाख २०७८, मंगलवार

बैंकिङ गतिविधिको नियमितरुपमा रिपोर्टिङ गर्न केन्द्रीय बैंकको निर्देशन

आर्थिक सञ्जाल
४ बैशाख २०७७, बिहीबार १६:०८
आर्थिक सञ्जाल वैशाख ४, २०७७ बिहीबार
काठमाडौं । कोरोना भाइरसको प्रभाव अध्ययन तथा मूल्यांकनका लागि   भन्दै केन्द्रीय बैंकले बैंक तथा वित्तीय संस्थालाई नियमित रुपमा रिपोर्टिङ गर्न निर्देशन दिएको छ ।
यसअघि लक डाउन सुरु भएलगत्तै केन्द्रीय बैंकले परिस्थिति सामान्य भई कार्यालय नियमित खुलेको ७ कार्य दिनभित्र रिपोर्टिङ गर्ने व्यवस्था मिलाउन सक्ने गरी सहजीकरण गरेको थियो ।
तर केन्द्रीय बैंकले आफ्नो उक्त अघिल्लो निर्देशनलाई बुधबार फेरि परिमार्जन गर्दै अबदेखि नियमित रुपमा समग्र बैंकिङ गतिविधिको जानकारी गराउन भनेको हो ।
केन्द्रीय बैंकको नयाँ निर्देशनसँगै अब बैंकहरुका सबै कारोबार नियमित हुने अपेक्षा गरिएको छ । यस अघि बैंकहरुले वैकल्पिकरुपमा सीमित समय शाखाहरु खुला गरेका थिए ।
स्थानीय निकायसँग अनुमति लिएर शाखा खोल्नुपरेको उनीहरुको भनाई छ । कतिपय स्थानीय तहले भने शाखा खोल्न अझै अनुमति दिएका छैनन् । तर बैंकहरुका एटीएम भने निर्वाध सञ्चालनमा छन् ।