१० बैशाख २०७८, शुक्रबार

एनसेलले आज १४ अर्ब ३३ करोड पुँजीगत लाभकर तिर्यो, अब कर विवाद टुंगियो

आर्थिक सञ्जाल
३० चैत्र २०७६, आईतवार १४:३१

आर्थिक सञ्जाल चैत्र ३०, २०७६ आइतबार

काठमाडौं । एनसेलले सरकारलाई तिर्न बाँकी सबै पुँजीगत लाभ कर बुझाएको छ । एनसेलले आज ठूला करदाता कार्यालयमा १४ अर्ब ३३ करोड रुपैयाँ पुँजीगत लाभकर तिरेपछि उसको सरकारलाई बुझाउनु पर्ने कर चुक्ता भएको हो । एनसेलका अनुसार यस अघि २ पटकमा ९ अर्ब १० करोड रुपैयाँ पुँजीगत लाभकर तिरेको थियो भने आज थप १४ अर्ब ३३ करोड रुपैयाँ तिरेको हो ।

उसले लाभकर र जरिवाना समेत गरी गरी जम्मा २४ अर्ब ४३ करोड रुपैयाँ चुक्ता गरेको ठूला करदाता कार्यालयले जनाएको छ ।

सर्वोच्च अदालतको भदौ ९ गते एनसेलले २१ अर्ब १० करोड लाभकर तिर्ने गरी फैसला गरेको थियो । सोही अनुसार एनसेलले आज तिर्नु पर्ने सबै कर चुक्ता गरेको हो ।

आज अन्य कसैले कर तिरेका छैनन् ।  एनसेलले कर चुक्ता गरेर लामो समयदेखिको सरकार र एनसेलबीचको विवाद टुंगाएको ठूला करदाता कार्यालयका प्रमुख कर प्रशासक झलकराम अधिकारीले  बताए । ‘अब एनसेल  हाम्रो विवाद टुंगिएको छ ।’ एनसेलले भदौमा कर निर्धारणभएयता जम्मा २३ अर्ब ४३ करोड कर चुक्ता गरिसकेको छ,’ उनले थपे ‘त्यसमा ९९ करोड ब्याज पनि समावेश छ ।

सर्वोच्च अदालतको भदौ ९ गते एनसेलले २१ अर्ब १० करोड लाभकर तिर्ने गरी फैसला गरेको थियो । सो यता आन्तरिक राजस्व कार्यालय अन्तर्गतको ठूला करदाताले मंसिरमा २२ अर्ब ४४ करोड कर बुझाउन पर्ने विवरण तयार पारेको थियो  । सो कर मंसिरमा सोही अनुसार एनसेलले आज तिर्नु पर्ने सबै कर चुक्ता गरेको हो ।