२५ बैशाख २०७८, शनिबार

कोरोना संक्रमण रोकथामका लागि ग्रामीण विकास लघुवित्तद्धारा सहयोग प्रदान

आर्थिक सञ्जाल
२९ चैत्र २०७६, शनिबार ०९:३३

आर्थिक सञ्जाल चैत्र २९, २०७६ शनिबार

काठमाडौं । नेपाल सरकार र सातवटै प्रदेश सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा ग्रामीण विकास लघुवित्त वित्तीय संस्था लिमिटेडले रु.२८ लाख ५० हजार सहयोग रकम प्रदान गरेको छ । संस्थाले कोरोना संक्रमण रोकथाम, नियन्त्रण, उपचार तथा विपतमा परेका परिवारहरूलाई राहत वितरणमा सहयोग पु¥याउने उद्देश्यले स्थापना गरिएको उक्त कोषमा आफ्नो संस्थागत सामाजिक उत्तरदायित्व अन्तर्गत सहयोग रकम उपलब्ध गराएको हो ।

कुल रकम मध्ये संस्थाले नेपाल सरकारको कोरोना भाइरस संक्रमण रोकथाम, नियन्त्रण तथा उपचार कोषमा रु. ११ लाख र  प्रदेश नं. १ सरकारले स्थापना गरेको कोरोना जनसुरक्षा कोषमा रु. २ लाख ५० हजार सहयोग रकम उपलब्ध गराएको हो ।

त्यस्तै प्रदेश नं. २ सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा रु. २ लाख ५० हजार, वाग्मती प्रदेश सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा रु. २ लाख ५० हजार, गण्डकी प्रदेश २ लाख ५० हजार रुपैयाँ सहयोग गरेको छ ।

प्रदेश नं. ५ सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा रु. २ लाख ५० हजार, कर्णाली प्रदेश सरकारले स्थापना गरेको प्रदेश विपद् व्यवस्थापन कोषमा रु. २ लाख ५० हजार र सूदुरपश्चिम प्रदेश सरकारले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा रु. २ लाख ५० हजार गरी कुल रकम रु. २८ लाख ५० हजार सहयोग रकम जम्मा गरेको हो ।