२४ फाल्गुन २०७७, सोमबार

अवैध लागूऔषध सहित पक्राउ

आर्थिक सञ्जाल
२२ चैत्र २०७६, शनिबार १७:१६

आर्थिक सञ्जाल चैत्र २२, २०७६ शनिबार
काठमाडौं महानगरपालिका–६ बौद्ध तीनचुलीबाट अवैध लागूऔषध खैरो हेरोइन करिब २ ग्राम सहित काठमाडौं गौशाला बस्ने सोलुखुम्बु घर भएका  निमा डेण्डीलाई शुक्रबार दिउँसो प्रहरीले पक्राउ गरेको छ ।

महानगरीय प्रहरी वृत्त बौद्धबाट खटिएको प्रहरीले बा. ३४ प ३७४६ नम्बरको मोटरसाइकल जाँच गर्ने क्रममा चालक डेण्डीलाई उक्त परिमाणको लागूऔषध सहित फेला पारी पक्राउ गरेको हो ।
यसैगरि लालबन्दी नगरपालिका– १२ जियाजोरबाट अवैध लागूऔषध गाँजा करिब ५ केजी सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरुमा लालबन्दी नगरपालिका–१२ बस्ने राजन सुनार र ईश्वरपुर नगरपालिका– ९ बस्ने  सरोज यादव रहेका छन् । ईलाका प्रहरी कार्यालय लालबन्दीबाट खटिएको प्रहरीले बिआर ३० एच ७१४१ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी पक्राउ गरेको हो ।