२५ बैशाख २०७८, शनिबार

पेट्रोल कालाबजारी गर्ने पक्राउ

आर्थिक सञ्जाल
२२ चैत्र २०७६, शनिबार १३:१६

आर्थिक सञ्जाल चैत्र २२, २०७६ शनिबार

सिन्धुपाल्चोक । बजार मूल्यभन्दा बढी रकम लिई पेट्रोल बिक्री गरिरहेको अवस्थामा सिन्धुपाल्चोकबाट एक जनालाई प्रहरीले पक्राउ गरेको छ ।

पक्राउ पर्नेमा चौतारा साँगाचोकगढी नगरपालिका–७ मेलचौर स्थित जयमाता वनदेवी फ्युल सेन्टरका कर्मचारी कपिलवस्तु विजयनगर गाउँपालिका–५ का महेशकुमार चौधरी रहेका छन् ।

कोरोना भाइरसको जोखिम न्यूनीकरणका लागि नेपाल सरकारले लागू गरेको लकडाउनको समयमा बजार मूल्य भन्दा बढी प्रतिलिटर ११० का दरले पेट्रोल बेचिरहेको अवस्थामा चौधरीलाई पक्राउ गरिएको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक माधवप्रसाद काफ्लेले जानकारी दिए ।

पेट्रोल पम्पमा कार्यरत कर्मचारीले बिल नदिई बजार मूल्य भन्दा बढी रकम लिएर पेट्रोल बेच्दै आइरहेको अवस्थामा उनलाई  पक्राउ गरिएको प्रहरी नायब उपरीक्षक काफ्लेले बताए ।