१० बैशाख २०७८, शुक्रबार

कोरोना कोषमा नेपाल राष्ट्र बैंकको १ करोड ५ लाख सहयोग

आर्थिक सञ्जाल
२० चैत्र २०७६, बिहीबार ०९:१५

आर्थिक सञ्जाल चैत्र २०, २०७६ बिहीबार

काठमाडौं । नेपाल राष्ट्र बैंकले सरकारले स्थापना गरेको कोरोना कोषमा एक करोड ५ लाख रुपैयाँ सहयोग गर्ने भएको छ । कायमुकाय गभर्नर चिन्तामणि शिवाकोटीको संयोजनामा बसेको बैंक व्यवस्थापन बैठकले यस्तो सहयोग गर्ने निर्णय गरेको हो । बैंकले अधिकृत स्तरभन्दा तल्लो तहका कर्मचारीको ६ दिन, सेकेण्ड र थर्ड क्लास अफिसरको ९ दिन र फ्रष्ट क्लास भन्दा माथिका कर्मचारीको १२ दिनको तलव सरकारले जम्मा गरेको कोषमा सहयोग गर्न लागिएको राष्ट्र बैंकका कामु गभर्नर चिन्तामणि शिवाकोटीले बताए ।

‘राष्ट्र बैंक कोषबाट यस्ता कुनै पनि सहयोग गर्न पाइदैन,’ उनले भने ‘अप्ठ्यारो परिस्थितिमा यसरी सहयोग गर्ने गरिएको छ । हाल नेपाल राष्ट्र बैंकमा करिब एक हजार एक सय कर्मचारी छन् । कर्मचारीको स्तरअनुसारको तलव काट्दा हुन आउने एक करोड चार लाख ८२ हजार रुपैयाँ कोरोना कोषमा सहयोग गर्ने शिवाकोटीले बताए ।