२१ फाल्गुन २०७७, शुक्रबार

७७ जिल्लामा सेवा दिँदै कृषि विकास बैंक

आर्थिक सञ्जाल
१७ चैत्र २०७६, सोमबार १७:४६

आर्थिक सञ्जाल चैत्र १७, २०७६ सोमबार

काठमाडौँ । कोरोना भाइरसका कारण आक्रान्त भएको आम ग्राहकलाई सुविधा उपलब्ध गराउन कृषि विकास बैंकले एक जिल्ला एक शाखा संचालन गर्ने रणनीति लिएको छ । बैंकले लकडाउनको यो अवधिमा ग्राहकको आवश्यकता र औचित्यतालाई हेरेर अन्य बैंक शाखा पनि सञ्चालन गर्ने रणनीति दिएको छ । बैंकले विशेषगरी एटीएम नभएका स्थानसहित देशभर आज सोमबार एक सय तीन शाखा सञ्चालन गरेको बैंकका प्रवक्ता हिमलाल पौडेलले जानकारी दिए ।

‘एटीएम बुथ नभएका जिल्लालाई प्राथमिकतामा राखेर शाखा खोल्ने काम गरिएको छ,’ उनले भने । बैंकले आम ग्राहकलाई सकभर इलेक्ट्रोनिक माध्यमबाट भुक्तानी लिन/दिन आग्रह गर्दै यस्तो सुविधा उपलब्ध गराएको उनले बताएका छन् ।

हाल कृषि विकास बैंकको देशभर ७२ वटा एटीएम बुथ रहेका छन् हाल बैंकले ७७ वटै जिल्लाबाट २ सय ७४ शाखाबाट सेवा दिइरहेको छ । कृषि विकास बैंकले आम ग्राहकलाई हिजो आइतबार देशभरका १ सय ३ वटा शाखाबाट बैंकिङ सेवा उपलब्ध गराएको छ ।

आफ्ना ग्राहकलाई अत्यावश्यक सेवा प्रदान गर्न बैंक सञ्चालन गरेको उनले बताए ।

बैंकले लकडाउन गरेकै दिन काठमाडौं उपत्यकामा घोडे जात्राको विदा परेपनि उपत्यका बाहिरबाट ६५ वटा शाखा सञ्चालनमा आएको थियो । त्यसयता पनि बैंकले निरन्तर सेवा प्रदान गरिनै रहेको छ ।

‘बैंकले काठमाडौं उपत्यका सहित देशभरका एक सय एक शाखाबाट बिहान ११.०० बजेदेखि १.३० बजेसम्म सेवा दिएका हौं,’ उनले भने ‘उपत्यकामा  बालाजु, मंगलबजार, बानेश्वर, महाराजगञ्ज, कोटेश्वर, कालीमटी, लगनखेल र रामशााह पथको कर्पाेरेट कार्यालयबाट सेवा दिइएको हो ।’

ग्राहकको चाप हेरेर शाखा सञ्चालनमा गछौं,’ उनले थपे ‘प्रदेश र स्थानीय सरकारका साथै सीडीओ कार्यालयको समन्वयमा बैंक खुलाएका हौं ।’ उहाँहरूले शाखा सञ्चालन गर्न सहजीकरण गरिरहनु भएको छ । बैंकले इलेक्ट्रोनिक पेमेन्टबाट कारोबार गर्न आम ग्राहकलाई अनुरोध पनि गरेको छ ।

बैंकले मोबाइल बैंकिङ, आईपीएस, स्मार्ट कार्ड तथा एटीएमबाट सेवा लिन आम ग्राहकलाई आग्रह समेत गरेको छ । यसले ग्राहक र सेवाप्रदायक दुबैलाई जोखिमबाट बचाउने प्रवक्ता पौडेलको जानकारी दिए  ।

‘आफ्ना कर्मचारी र सेवाग्राहीको स्वास्थ्यलाई समेत ध्यानमा राखेर विशेष सावधानीपूर्वक सेवा सञ्चालन गरेका छौं,’ प्रवक्ता पौडेलले भने  ।

विकास बैंकले जिल्ला प्रशासन कार्यालयसँग समन्वय गरेर आफ्ना शाखाहरु खोलेको थियो । बैंकले लकडाउन अवधिभर स्थानीय प्रशासनसँग समन्वय गरेर बैंकिङ सेवा प्रदान गरिरहेको छ ।