१३ फाल्गुन २०७७, बिहीबार

अनलाइन सेवा दिन बिमा समितिको निर्देशन

आर्थिक सञ्जाल
१७ चैत्र २०७६, सोमबार १२:३२
आर्थिक सञ्जाल चैत्र १७, २०७६ सोमबार
काठमाडौँ । वैदेशिक रोजगारीमा जाने नेपाली नागरिकलाई अनलाइन प्रणालीबाट पनि सेवा सुविधा दिन बिमा समितिले निर्देशन दिएको छ । आइतबार जीवन बिमा कम्पनीहरुलाई सर्कुलर जारी गर्दै उनीहरुको हित तथा सुरक्षा समेतलाई दृष्टिगत गरी यस्तो निर्देशन दिएको हो । समितिले जारी गरेको निर्देशनमा म्यादी जीवन बिमा अन्तर्गत वैदेशिक रोजगारीमा जान चाहने व्यक्तिबाट नगद, बैंक चेकका अतिरिक्त अनलाइन प्रणालीबाट समेत भुक्तानी व्यवस्था गर्न भनिएको छ ।
साथै, वैदेशिक रोजगारमा जाने सेवाग्राहीको चाप र भैगोलिक समावेशिता समेतलाई मध्यनजर गरी सहजै सेवा प्राप्त गर्ने व्यवस्था गर्न, उनीहरुको इलेक्ट्रोनिक प्रस्ताव फारमलाई मान्य हुने गरी बिमालेख जारी गर्न सकिनेछ ।
यसरी बिमा लेख जारी गर्दा विद्यमान कानुनी व्यवस्था समेतलाई मध्यनजर गरी प्रिन्ट कपी सहित आवश्यकता अनुसार डिजिटल इलेक्ट्रोनिक्स माध्यमबाट समेत गर्न सकिनेछ ।