८ बैशाख २०७८, बुधबार

मुलुक ‘लकडाउन’मा रहेको बेला विद्यार्थी भर्ना गर्ने स्कुललाई सोझै कारवाही

आर्थिक सञ्जाल
१४ चैत्र २०७६, शुक्रबार ०८:३३

आर्थिक सञ्जाल चैत्र १४, २०७६ शुक्रबार

काठमाडौँ । कोरोना भाइरस (कोभिड १९) को सङ्क्रमणका कारण मुलुक पूरै लकडाउनमा पुगेको बेला विद्यालयहरूले नयाँ विद्यार्थी भर्ना तथा भर्नाका लागि प्रवेश परीक्षा सञ्चालन गरेको पाइएमा कडा कारबाही गरिनेभएको छ ।

विद्यार्थी भर्ना गर्न बोलाउने विद्यालयलाई कारबाही गरी विद्यार्थीको भर्ना समेत खारेज गरिने शिक्षा विज्ञान तथा प्रविधि मन्त्रालयले स्पष्ट गरेको छ । शिक्षा मन्त्रालयका प्रवक्ता तथा सहसचिव दीपक शर्माले कुनै पनि विद्यालयले यस अवधिमा नयाँ भर्ना लिन तथा प्रवेश परीक्षा लिन नपाउने स्पष्ट गरे ।

भर्ना लिइएमा कानुनअनुसार कारबाही गरिने उनले स्पष्ट पारे । सरकारले नै नयाँ भर्ना नलिने भनेको र बढ्दो सङ्क्रमणका कारण मानिसको आवागमन समेत रोकिएको बेला भर्ना लिइए कडा कारबाही गरिने उनको भनाइ छ । कुनै विद्यालयले अनलाइनबाट विद्यार्थी भर्ना लिएको हुन सक्ने तर त्यो सम्भावना निकै न्यून रहेको सुवेदीले बताए ।
राजधानीका सेन्ट जेभियर्स स्कुल र जेभियर्स इन्टरनेशनल स्कुलले विद्यार्थीको भर्नाका लागि प्रवेश परीक्षा लिएको भए पनि त्यसको नतिजा प्रकाशन गर्न रोक लगाइएको उनको भनाइ छ ।

जेभियर्स इन्टरनेशनल स्कुलका कार्यकारी प्रमुख लोकबहादुर भण्डारीले कोरोना भाइरस सङ्क्रमणका कारण संसारभरकै मानिसको जीवन जोखिममा परेका बेला आफूहरूले भर्ना कार्यक्रम सबै स्थगित गरेको जनाए । आजको गोरखापत्र दैनिकबाट