१० बैशाख २०७८, शुक्रबार

चार बालक कान्ति अस्पतालमा भर्ना कोरोना भाइरसको संकेत

आर्थिक सञ्जाल
१२ चैत्र २०७६, बुधबार ११:१०

आर्थिक सञ्जाल २०७६ चैत्र १२ बुधवार

काठमाडौँ । कोरोना भाइरस ( कोभिड–१९) को संक्रमणको लक्षण देखिएको आशंकापछि चार बालकलाई हिजो चैत ११ गते कान्तिबाल अस्पतालको आइसोलेसन वार्डमा भर्ना गरिएको छ । उनीहरूमध्ये आइतबार एक जना र सोमबार ३ जनामा संक्रमणको संकेत देखिएको थियो । संक्रमण आशंका गरिएका बालकहरूलाई अस्पतालको आइसोलेसन वार्डमा भर्ना गरिएको अस्पतालले जनाएको छ ।
अस्पतालका अनुसार आइतबार भर्ना भएका बालक १४ वर्षीय र सोमबार भर्ना भएका बालकहरू चार र साँढे चार वर्षका रहेका छन् । अस्पतालका अनुसार आइतबार आइसोलेसनमा भर्ना भएका बालकका बाबु दुबईबाट फर्किएका थिए। यसका साथै सोमबार एक बालका काका चीनबाट र अर्का बालकका बाबु कतारबाट फर्किएका रहेछन् ।

उनीहरुमा कोरोनाका लक्षणसँग मिल्दोजुल्दो लक्षण देखिएको छ । सोमबारै अर्का एक बालक पनि थपिएका छन् । उनीहरुको परीक्षण गरेर आइशोलेनमा राखिएको छ। उनीहरुको पूरै रिपोर्ट आएको छैन ।

चारै जनाको आइसोलेसनमा राखेर उपचार भइरेको छ। ती बालकका अभिभावक कोरोना प्रभावित देशबाट स्वदेश फर्किएको १४ दिन नपुगेको र उनीहरुको सम्पर्कमा रहेका बालकहरुमा कोरोनाको लक्षण देखिएको हुन सक्ने आशंका गर्दै अस्पातल भर्ना गरिएको अस्पताल सोरतले जनाएको छ ।