१५ फाल्गुन २०७७, शनिबार

नक्कली लेटरप्याड तथा छाप सहित पक्राउ

आर्थिक सञ्जाल
५ चैत्र २०७६, बुधबार १४:१२

आर्थिक सञ्जाल बुधबार, ५ चैत्र २०७६

भक्तपुर  मध्यपुर ठिमी नगरपालिका-५ राधेराधेबाट विभिन्न कार्यालयको नक्कली लेटरप्याड तथा छाप सहित काठमाडौं बुढानिलकण्ठ नगरपालिका-७ हात्तीगौंडा बस्ने गोपाल बहादुर पुर्कुटीलाई मंगलबार राति प्रहरीले पक्राउ गरेको छ ।

नेपाल मजदुर किसान पार्टीको नाममा नक्कली लेटर प्याड तथा छाप समेत बनाई चन्दा असुली गरिरहेको भन्ने सूचनाको आधारमा खटिएको प्रहरीले बिभिन्न पार्टी, संस्था र क्लवहरूको रबर स्ट्याम्प ७ थान, लेटरप्याडहरू, नगदी रसिद ११ थान, पेनड्राईभ १ थान र सिमकार्ड ३ थान समेत बरामद गरी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।