२५ बैशाख २०७८, शनिबार

एनआईसी एशिया बैंकले सूर्या लाइफको शेयर पुनः लिलामी गर्दै

आर्थिक सञ्जाल
४ चैत्र २०७६, मंगलवार १७:१२

आर्थिक सञ्जाल मंगलबार, ४ चैत्र २०७६

काठमाडौं । एनआईसी एशिया बैंकको स्वामित्वमा रहेको सूर्या लाईफको संस्थापक शेयर पुनः लिलामीमा ल्याएको छ । बैंकले २९ हजार १०० कित्ता संस्थापक शेयर लिलामीमा विक्री गर्न लागेको हो । कम्पनीले मंगलवार सूचना प्रकाशित गरी उक्त संस्थापक शेयर लिलामीमा विक्री हुने जानकारी दिएको हो । यस अघि बैंकले गत फागुन १९ देखि २९ गतेसम्म ४१ हजार ४०० कित्ता लिलामीमा विक्री खुला गरेको थियो । त्यस अवधिमा विक्री हुन नसकेको शेयर बैंकले पुनः लिलामीमा ल्याएको हो ।

उक्त शेयर खरीद गर्न इच्छुक लगानीकर्ताले सूचना प्रकाशित भएको ९ दिनभित्र बैंकको शेयर रजिष्ट्रार एनआईसी एशिया क्यापिटल लिमिटेड तथा एनआईसी एशिया बैंकको कर्पोरेट तथा शाखा कार्यालयहरुमा गोप्य शिलबन्दी बोलपत्र पेश गनुपर्ने छ ।

लगानीकर्ताले न्यूनतम १०० कित्तादेखि अधिकतममा सम्पूर्ण कित्ताको लागि आवेदन दिन सक्नेछन् । लिलामी शेयरमा आवेदन दिनको लागि चैत ४ गतेदेखि १२ गतेसम्म अवधि तोकिएको छ । शेयरको न्यूनतम मूल्य २५० रुपैयाँ तोकिएको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । बैंकको विक्री प्रबन्धकमा एनआईसी एशिया क्यापिटल लिमिटेड रहेको छ ।