२५ बैशाख २०७८, शनिबार

आइएमई जनरल इन्सुरेन्सको एजीएम शनिबार

आर्थिक सञ्जाल
२३ फाल्गुन २०७६, शुक्रबार १७:२४
आर्थिक सञ्जाल शुक्रबार, २३ फागुन २०७६
काठमाडौं । २२ औं वार्षिक साधारण सभा शनिबार (फागुन २४ गते) बस्ने भएको छ । सभा, लैनचौर ब्यांकेट्स लैनचौरमा बिहान १० बजेबाट सुरु हुनेछ । कम्पनीले ६.३१% लाभांश वितरण प्रस्ताव पेश गर्नेछ । आर्थिक वर्ष २०७५–७६ को नाफाबाट ६% बोनस सेयर र कर प्रयोजनार्थ ०.३१% नगद लाभांश वितरण गर्न लागेको हो ।
संस्थापक र सर्वसाधारण समूहको सेयर हिस्सा परिमार्जन गर्ने प्रस्ताव पनि छ । हाल ८०% सस्ंथापक समूह र २०% सर्वसाधारण समूहको सेयर हिस्सा रहेको छ । अब यसलाई परिमार्जन गरेर ६०% सस्ंथापक समूह र ४०% सर्वसाधारण समूहको बनाइनेछ । यो प्रस्ताव पनि सभामा पेश हुनेछ । प्रबन्धपत्र र नियमावली संशोधन गरिनेछ ।

आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि पनि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । सभा प्रयोजनका लागि कम्पनीले फागुन १२ देखि २४ गतेसम्म बुक क्लोज गरेको छ ।

फागुन ११ गतेसम्म कायम सेयरधनीले लाभांश सुरक्षित गर्न सक्नेछन् । हाल आइएमई जनरलको चुक्ता पुँजी १ अर्ब २ करोड ६ लाख रुपैयाँ रहेको छ । बोनस वितरणपछि पुँजी १ अर्ब ८ करोड १८ लाख ३६ हजार रुपैयाँ पुग्नेछ ।