७ बैशाख २०७८, मंगलवार

ललिता निवास जग्गा प्रकरणमा गच्छदारसहित ७४ जनालाई उपस्थित हुन म्याद जारी

आर्थिक सञ्जाल
२३ फाल्गुन २०७६, शुक्रबार १७:०७

आर्थिक सञ्जाल शुक्रबार, २३ फागुन २०७६

काठमाडौं । ललिता निवास जग्गा अनियमितता प्रकरणमा विशेष अदालतले विजय गच्छदार सहित ७४ जनालाई अदालतमा उपस्थित हुन १५ दिने म्याद जारी गरेको छ । अख्तियार दुरुपयोग अनुसन्धान आयोगले आरोपपत्र दायर गरेका १७४ मध्ये ७४ जनालाई मात्रै उपस्थित म्याद जारी गरिएको हो ।

म्याद जारी गरिएकामा गच्छदार सहित अख्तियारले प्रतिवादी बनाएका पूर्वमन्त्रीद्वय डम्बर श्रेष्ठ, छविराज पन्त पनि छन् । अख्तियारका पूर्वप्रमुख आयुक्त दीप बस्न्यात विरुद्ध पनि १५ दिने म्याद जारी गरिएको छ । म्याद जारी भएकाहरुमा भूमिसुधार तथा व्यवस्था विभागका पूर्व निर्देशकत्रय पुष्पराज उपाध्याय, रुद्रकुमार श्रेठ र मुकुन्द आचार्य, मालपोत कार्यालय डिल्लीबजारका पूर्वप्रमुखद्वय टीकाराम घिमिरे र कलाधर देउजा, भाटभटेनीका सञ्चालक मीनबहादुर गुरुङका छोरा कल्याण, गैरआवासीय नेपाली संघ, कल्पना तुलाधर लगायत छन् ।

अख्तियारले गत माघ २२ गते काँग्रेस नेता तथा पूर्वउपप्रधानमन्त्री गच्छदारसहित ११० जना विरुद्ध आरोप पत्र दायर गरेको थियो भने ६५ जनालाई प्रतिवादी बनाइ जग्गा जफत गर्ने निर्णय गरेको थियो ।