८ बैशाख २०७८, बुधबार

लक्ष्मी बैंकको ८९ लाख २० हजार कित्ता बोनस सेयर सूचीकृत

आर्थिक सञ्जाल
२१ फाल्गुन २०७६, बुधबार १८:४२
आर्थिक सञ्जाल बुधबार, २१ फागुन २०७६
काठमाडौं । नेपाल स्टक एक्सचेन्जमा लक्ष्मी बैंकको ८९ लाख २० हजार ५०८ कित्ता बोनस सेयर सूचीकृत भएको छ । बैंकले आर्थिक वर्ष २०७५/०७६ को नाफाबाट लगानीकर्तालाई १०% बोनस सेयर वितरण गरेको थियो । सोही बोनस सेयर नेप्सेमा सूचीकृत गरिएको हो ।
हाल यस बैंकको चुक्ता पुँजी ९ अर्ब ८१ करोड २५ लाख ६० हजार रुपैयाँ पुगेको छ । बैंकले चालु आर्थिक वर्षको दोस्रो त्रैमासमा ९० करोड ३० लाख रुपैयाँ खुद नाफा कमाएको छ । लक्ष्मीको प्रतिसेयर आम्दानी १८ रुपैयाँ ४१ पैसा र प्रतिसेयर नेटवर्थ १३३ रुपैयाँ ९० पैसा छ ।