२० फाल्गुन २०७७, बिहीबार

राष्ट्र बैंकका पूर्व कार्यकारी निर्देशक निरौला कृषि विकास बैंकको अध्यक्ष नियुक्त

आर्थिक सञ्जाल
२१ फाल्गुन २०७६, बुधबार १५:१२

आर्थिक सञ्जाल बुधबार, २१ फागुन २०७६

काठमाडौं । नेपाल राष्ट्र बैंकका पूर्व कार्यकारी निर्देशक लक्ष्मीप्रपन्न निरौला कृषि विकास बैंक अध्यक्षमा नियुक्त भएका छन् । निरौलालाई अर्थमन्त्रीको निर्णयबाट सरकारी स्वामित्वको कृषि विकास बैंकको अध्यक्षमा नियुक्त गरिएको हो ।

बुधबार बिहान उनी बैंकको सञ्चालक नियुक्त भएका थिए । त्यसपछि बसेको कृषि विकास बैंक सञ्चालक समिति बैठकले उनलाई अध्यक्ष चयन गरेको हो ।

निरौलासँग नेपाल राष्ट्र बैंकमा रहेर ३० वर्षसम्म नीति निर्माण तथा सुपरीवेक्षणमा काम गरेको अनुभव छ । उनी निवृत्त हुनुअघि केन्द्रीय बैंकका प्रवक्ता समेत थिए । गभर्नरको दौडमा रहेको चर्चा चलिरहेका बेला निरौलालाई अर्थ मन्त्री खतिवडाले कृषि विकास बैंकको अध्यक्ष बनाएका हुन् ।