१५ फाल्गुन २०७७, शनिबार

ठगी मुद्दाका फरार प्रतिवादी बडु पक्राउ

आर्थिक सञ्जाल
१८ फाल्गुन २०७६, आईतवार १७:३१

आर्थिक सञ्जाल आइतबार, १८ फागुन २०७६

काठमाडौं । ठगी मुद्दाका फरार प्रतिवादी बैतडी दशरथचन्द नगरपालिका १ बस्ने रमेश बडुलाई ललितपुरको नख्खुबाट आइतबार प्रहरीले पक्राउ गरेको छ ।
उच्च अदालत पाटनको २०७५ कात्तिक १६ गतेको फैसलाले ठगी मुद्दामा २ महिना ४ दिन कैद र २ लाख ५० हजार रुपैयाँ जरिवाना ठहर भई फरार रहेका उनलाई महानगरीय अपराध महाशाखा टेकुबाट खटिएको प्रहरीले पक्राउ गरेको हो । साथै रमेशले नेपाली सेनामा कार्यरत एक कर्मचारीलाई शान्ति सेनामा पठाइ दिने भनी बिश्वास दिलाई २ लाख ५० हजार रुपैयाँ र राष्ट्रिय अनुसन्धानमा जागिर लगाई दिन्छु भनी २ जनासँग २४ लाख रुपैयाँ ठगी गरेको अनुसन्धानबाट खुल्न आएको उक्त महाशाखाले जनाएको छ ।
रमेशलाई आवश्यक अनुसन्धान तथा कारवाहीका लागि जिल्ला अदालत काठमाडौं उपस्थित गराइएको उक्त महाशाखाले जनाएको छ ।