१२ फाल्गुन २०७७, बुधबार

अचनेटार गंगाजमुना सल्यानकोट म्याराथुन महोत्सब हुने

आर्थिक सञ्जाल
१६ फाल्गुन २०७६, शुक्रबार १३:५६

 

आर्थिक सञ्जाल । शुक्रबार, १६ फागुन २०७६

काठमाडौ । पर्यटन भ्रमण बर्षलाई सफल बनाउने र युवाहरुलाई बिकासमा सहभागी गराउने उद्धेश्यले यहि फागुन २४ गते शनिवारका दिन धादिङमा “अचनेटार गंगाजमुना सल्यानकोट म्याराथुन महोत्सब” हुने भएको छ ।
अचने उपभोक्ता समितिको आयोजनामा हुने महोत्सबमा भ्रमण बर्ष सम्बन्धी बिभिन्न बिषयमा छलफल हुने बताइएको छ ।
आयोजक समितिले एक पत्रकार सम्मेलन गरी म्याराथुन महोत्सबमा स्थानीय र बाह्य गरी २ सय भन्दा बढीको सहभागिता हुने बताएको छ ।
समितिका सस्थापक राजन अधिकारी, समितिका अध्यक्ष वीपीन अधिकारीले नागरिक स्तरबाट पनि सबै मिलेर देशका लागि काम गर्ने हो ५ बर्षमै नेपाल हरेक हिसाबले समृद्ध हुने उल्लेख गर्नु भएको छ । देशका युवाहरुलाई स्वदेशमै परिचालन गर्ने गरी प्रभाबकारी रुपमा काम भएमा युवाहरु बिदेशिनु नपर्ने कुरा पनि अधिकारीले बताउनुभएको छ ।
युवाहरुले नबीन कार्यका लागि एकजुट हुनुपर्ने खाचो रहेको संस्थापक अधिकारीले औल्याउनु भएको छ ।
म्याराथुन महोत्सबमा प्रथम हुनेलाई १ लाख, द्धितीय हुनेलाई ५० हजार र तृतीय हुनेलाई ५० हजार पुरस्कार प्रदान गरिने छ