३० बैशाख २०७८, बिहीबार

अहिलेसम्मकै सर्वाधिक सेयर कारोबार भएपछि नेप्सेले निकाल्यो यस्तो बिज्ञप्ती

आर्थिक सञ्जाल
१२ फाल्गुन २०७६, सोमबार ०८:३०

आर्थिक सञ्जाल । सोमबार, १२ फागुन २०७६
काठमाडौं । अनलाइन प्रणालीले सेयर बजारमा तरंग ल्याउन थालेको छ । खरिद बिक्रीमा अनलाइनले उत्साह भर्न थालेको नेप्सेको भनाई छ । यसैक्रममा आइतबार नेप्सेमा अहिलेसम्मकै उच्च सेयर कारोबार भएको छ । यस दिन ३ अर्ब ६० करोड ८५ लाख रुपैयाँको कारोबार भएको हो । ३० हजार ४ सय ५७ कारोबारमा ८७ लाख ६९ हजार ५ सय २२ कित्ता सेयर खरिदबिक्री भएको हो । यसरी कारोबारमा नयाँ कीर्तिमान कायम हुनुमा अनलाइन प्रणाली (नट्स) को पनि योगदान रहेको नेप्सेको भनाई छ ।

आइतबार भएको कुल रकममध्ये ४४ प्रतिशत अर्थात १ अर्ब ५९ करोड ७९ लाख रुपैयाँ अनलाइनमार्फत भएको हो । यस दिन कारोबारमा संलग्न १२ हजार ३९५ लगानीकर्तामध्ये ३ हजार १८८ जनाले अनलाइन मार्फत कारोबार गरेका हुन् । अनलाइनमार्फत ३८ लाख ४० हजार ९०२ कित्ता सेयर किनबेच भएको छ ।

हालसम्म अनलाइन कारोबार गर्न युजर नेम र पासवर्ड लिने लगानीकर्ताको संख्या २१ हजार ६७४ जना पुगेको छ ।        नेप्सेले कारोबार प्रणालीलाई सीडीएस एन्ड क्लियरिङ लिमिटेड र नेपाल क्लियरिङ लिमिटेडको प्रणालीसँग  जोडेको छ । हाल एनसीएचएल मा ७५ भन्दा बढी बैंक तथा वित्तीय संस्था मार्फत कारोबारको रकम भुक्तानी गर्न सकिन्छ ।