२५ बैशाख २०७८, शनिबार

नेपाल उद्योग परिसंघको वरिष्ठ उपाध्यक्षमा विष्णु अग्रवाल

आर्थिक सञ्जाल
१० फाल्गुन २०७६, शनिबार ०८:५५

आर्थिक सञ्जाल । शनिबार, १० फागुन २०७६

काठमाडौं । नेपाल उद्योग परिसंघको वरिष्ठ उपाध्यक्ष विष्णु कुमार अग्रवाल बन्ने भएका छन् । परिसंघमा उपाध्यक्षहरु मध्येबाट एक वरिष्ठ उपाध्यक्ष चयन गर्ने र वरिष्ठ उपाध्यक्ष पछि स्वतः अध्यक्ष बन्ने व्यवस्था छ ।                                                        उनीहरु मध्ये गभर्निङ काउन्सिलमा विष्णुलाई वरिष्ठ उपाध्यक्ष बनाउने सहमति भएको स्रोतले जनायो । प्रकृया पुरा गरी घाेषणा गर्ने भने बाँकी रहेकाे स्राेतले बतायाे ।हाल परिसंघमा अनुज अग्रवाल, विष्णु अग्रवाल, निर्माण चौधरी, कृष्ण प्रसाद अधिकारी, राजेश अग्रवाल, सुलभ अग्रवाल, विरेन्द्रराज पाण्डे उपाध्यक्ष छन् । ७ जना उपाध्यक्ष मध्ये वरिष्ठ उपाध्यक्षमा अनुज, विष्णु, राजेश र सुलभको विशेष रुचि थियो ।

परिसंघका विधान अनुसार वरिष्ठ उपाध्यक्ष हुनेवाला अध्यक्ष हुन् । अध्यक्ष सतिशकुमार मोरको कार्यकालपछि वरिष्ठ उपाध्यक्ष विष्णु अग्रवाल स्वतः अध्यक्ष बन्ने छन् । नियमित साधारणसभा भएमा एक वर्षपछि परिसंघकाे अध्यक्ष अग्रवाल बन्ने छन् ।

विष्णु अग्रवाल परिसंघको स्थापनादेखि नै सक्रिय र विषेश योगदान गरेको व्यक्ति हुन् । उनी एमएडब्लु इन्टरप्राइजका प्रबन्ध निर्देशक हुन् ।
यामाहा, जीप, स्कोडा, फियाट लगायत सवारी साधानको व्यापारमा केन्द्रीत एमएडब्लु इन्टरप्राइजले जेसीवी, स्कोट्स, म्यानलगायतको हेवि इक्वीप्टमेन्टको व्यापार समेत गर्दै आएको छ ।

एमएडब्लुले म्यूजिकल इन्स्र्टूमेन्ट वि एण्ड टीको पनि व्यापार गर्छ । त्यस्तै, अग्रवाल एमएडब्लु इन्भेष्टमेन्ट, एमएडब्लु इन्जिनियरिङ कम्पनीका पनि प्रबन्ध निर्देशक छन् । उनी युनाईटेड फाइनान्स लिमिटेडको संस्थापक र सञ्चालक दुबै हुन् । उनी नेपालका लागि चेक गणतन्त्रको अबैतनिक राजदूत पनि हुन् ।