२८ बैशाख २०७८, मंगलवार

 एलआईसी नेपालले दर्शनार्थीलाई निःशुल्क पानी र भोजन

आर्थिक सञ्जाल
९ फाल्गुन २०७६, शुक्रबार १३:०४

आर्थिक सञ्जाल । शुक्रबार, ९ फागुन २०७६                                                                                                  काठमाडौं । देवादीदेव शिवजीको उपासना गरेर मनाइने पर्व धुमधामका साथ मनाइरहेको छ । सबैजसो शिवालयहरुमा भक्तजनको घुइचो लागिरहेको छ । पवित्र पशुपतिनाथ क्षेत्रमा लाखौं दर्शनार्थी दर्शनको क्रममा छन् भने लाखौंले दर्शन पाइसकेका छन् ।
नेपालमा दोस्रो स्थानमा रहेर जीवन बीमा व्यवसाय गर्दै आएको एलआईसी नेपालले महाशिवरात्रिका अवसरमा पशुपतिनाथको मन्दिरमा पानी तथा भोजन वितरण गरेको छ । एलआईसी नेपालका सिईओ लक्ष्मीप्रसाद दास, कम्पनी सचिव बिनोदकुमार भुजेल सहभागी भएर पानी तथा भोजन वितरण कार्यक्रम आयोजना गरिएको कम्पनीले जनाएको छ ।
पशुपतिनाथको मन्दिर परिसरमा स्टल नै राखेर आज दिनभरि नै भक्तजनहरुलाई सेवा प्रदान गरिने एलआईसी नेपालले जनाएको छ । कम्पनी सचिव तथा सूचना अधिकारी भुजेलका अनुसार सामाजिक उत्तरदायित्व अन्तर्गत पशुपतिनाथको मन्दिरमा भक्तजनहरुलाई सेवा प्रदान गरिएको हो । विगत आठ वर्षदेखि पशुपति क्षेत्र विकास कोषसँगको सहकार्यमा पानी तथा भोजन खुवाउँदै आएको एलआईसी नेपालले आज करिब छ हजार जनालाई पानी तथा भोजन खुवाउने लक्ष्य राखेको कम्पनीले जनाएको छ ।