२ जेष्ठ २०७८, आईतवार

नेपाल बंगलादेश बैंकद्धारा पशुपति क्षेत्रको सरसफाइका लागि डस्वीन वितरण

आर्थिक सञ्जाल
५ फाल्गुन २०७६, सोमबार ०७:०२

५ फाल्गुन २०७६, सोमबार,

काठमाडौं । नेपाल बंगलादेश बैँकले आफ्नो संस्थागत सामाजिक उत्तरदायित्व अन्तर्गत गत शनिबार पशुपति क्षेत्र विकास कोषको सहकार्यमा एकता होटल तथा गेष्ट हाउस व्यावसायी संघले संरक्षण गर्ने गरी डस्वीन हस्तान्तरण गरेको छ ।
नेपाल बङ्गलादेश बैंक लिमिटेडका प्रमुख कार्यकारी अधिकृत (सिइओ) ज्ञानेन्द्रप्रसाद ढुङ्गानाको अध्यक्षतामा भएको उक्त कार्यक्रमको उदघाटन प्रमुख अतिथि पशुपति क्षेत्र विकास कोषका कार्यकारी निर्देशक डा.घनश्याम खतिवडाले गरेका थिए ।
पशुपति क्षेत्र विकास कोषका कार्यकारी निर्देशक डा. खतिवडाले विश्व सम्पदा सूचि पशुपति नाथ क्षेत्र वरीपरीको सरसफाइले नेपाली समाजको सभ्यतालाई विश्वभर चिनाउने बताए ।

विश्व सम्पदा सूचि पशुपति नाथ क्षेत्रमा बैंंकले पहिले देखिनै गर्दे आएको यस प्रकारको लगानीको सामाजिक रुपमा उच्व मुल्याङकन रहेको बताए ।
यस कार्यक्रममा बैंकको तिलगंगा शाखाको ए.टि.एम पनि उदघाटन गरिएको थियो । बैंकका प्रमुख कार्यकारी अधिकृत ढुंगानाले बैंकमा खाता नभएका नेपालीहरुलाई नयाँ खाता खोले रु १ सय बैकले बचत गरिदिने बताए ।