१६ फाल्गुन २०७७, आईतवार

नेपाल इन्सुरेन्स कम्पनी लिमिटेडको नाफा १९.४०५ ले बढ्यो

आर्थिक सञ्जाल
२७ माघ २०७६, सोमबार १०:०३

 

काठमाडौं । नेपाल इन्सुरेन्स कम्पनी लिमिटेडले चालु आर्थिक वर्षको दोस्रो त्रैमासमा ८ करोड ७४ लाख रुपैयाँ खुद नाफा कमाएको छ । यो नाफा रकम गत वर्षको भन्दा १९.४०५ धेरै हो । गत वर्ष कम्पनीले ७ करोड ३२ लाख रुपैयाँ खुद नाफा कमाएको थियो । कम्पनीले खुद बिमा शुल्क पनि ३४.०७५ ले बढाएर ३२ करोड १९ लाख रुपैयाँ पुर्याउन सफल भएको छ । गत वर्ष यसले २४ करोड १ लाख रुपैयाँ खुद बिमा शुल्क आर्जन गरेको थियो ।
यस त्रैमास सम्ममा कुल १३ करोड ३१ लाख रुपैयाँ बराबरको दाबी भुक्तानी गरेको छ । भुक्तानी हुन बाँकी दाबी रकम कुल ८६ करोड ९० लाख रुपैयाँ रहेको छ ।
कम्पनीले बिमा कोष पनि २३ करोड १४ लाख रुपैयाँबाट बढाएर ३४ करोड १३ लाख पुर्याएको छ ।हाल यसको चुक्ता पुँजी १ अर्ब ९ करोड ५५ लाख रुपैयाँ रहेको छ भने, जगेडा कोषमा ३२ करोड २५ लाख रुपैयाँ छ । यसको प्रतिसेयर आम्दानी १५ रुपैयाँ ९६ पैसा र प्रतिसेयर नेटवर्थ १६० रुपैयाँ ६० पैसा छ ।