२५ बैशाख २०७८, शनिबार

सिटिजन्स बैंक इन्टरनेशनललाई रु. २.५ अर्बको ऋणपत्र निष्कासन अनुमति

आर्थिक सञ्जाल
२२ माघ २०७६, बुधबार १६:४१

काठमाडौ । सिटिजन्स बैंक इन्टरनेशनलको २ अर्ब ५० करोड रुपैयाँ बराबरको ऋणपत्र निष्कासनका लागि नेपाल धितोपत्र बोर्डले स्वीकृति दिएको छ ।
बोर्डले बैंकलाई १००० दरका २५ लाख युनिट ऋणपत्र बिक्रीका लागि स्वीकृति दिएको हो ।
बैंकले अब निकट भविष्यमै ’१०.२५५ सिटिजन्स बैंक ऋणपत्र(२०८६) का इकाईहरुको बिक्री खुलाउने छ । कुल २५ लाख युनिटमध्ये १० लाख सर्वसाधारणका लागि बिक्री खुल्ला हुनेछ भने बाँकी १५ लाख युनिट प्राइभेट प्लेसमेन्टका आधारमा बिक्री गरिनेछ ।
दश वर्षे अवधिको ऋणपत्रमा लगानी गर्नेले वार्षिक १०.२५ प्रतिशत ब्याज पाउनेछ । ब्याजको भुक्तानी अर्धवार्षिक रुपमा हुनेछ ।
सिटिजन्स बैंकको ऋणपत्र निष्कासन तथा बिक्री प्रबन्धक ग्लोबल आइएमई क्यापिटलले गर्नेछ । नेपाल राष्ट्र बैंकले मौद्रिक नीति मार्फत कोर क्यापिटलको २५ प्रतिशत बराबरको ऋणपत्र अनिवार्य निष्कासन गर्नुपर्ने व्यवस्था गरेपछि बैंकहरुले धमाधम ऋणपत्र बिक्री गरिरहेका हुन् । यस्ता ऋणपत्र मार्फत बैंकहरुलाई आवश्यक दीर्घकालीन प्रकृतिका स्रोतको व्यवस्थापन हुने र यसले हालसम्म हुँदै आएको कर्जा–निक्षेपबीचको मिसम्याचको अवस्था समेत अन्त हुने बताइन्छ ।