२३ फाल्गुन २०७७, आईतवार

नेपाल इन्फ्रास्ट्रचर बैंकको ८ अर्बको आईपीओका लागि अन्डर राईटर नियुक्त

आर्थिक सञ्जाल
२१ माघ २०७६, मंगलवार १७:०२

काठमाडौं । नेपाल इन्फ्रास्ट्रक्चर बैंक(NIFRA) को ८ अर्व रुपैयाँ बराबरको आठ करोड कित्ता सर्वसाधारण शेयर (आइपीओ) निष्कासनका लागि प्रत्याभुतिकर्ता (Under writer) मा नियुक्त गरेको छ । निष्काशन गर्ने साधारण शेयर र धितोपत्र प्रत्याभुतिको लागि नागरिक लगानी कोषलाई प्रत्याभुतिकर्ता (Under writer) मा नियुक्त गरेको छ ।
उक्त प्रत्याभुति सम्बन्धी सम्झौता–पत्रमा नागरिक लगानी कोषको तर्फबाट कार्यकारी निर्देशक रमण नेपाल र नेपाल इन्फ्रास्ट्रक्चर बैंकको तर्फबाट नायव प्रमुख कार्यकारी अधिकृत भुपेन्द्र पाण्डेले हस्ताक्षर गरेका थिए । नेपाल सरकारको समेत लगानी रहेको नेपाल इन्फ्रास्ट्रचर बैंक लिमिटेड नेपालकै पहिलो पूर्वाधार विकास बैंक हो भने बैंकले जारी गर्न लागेको यो सार्वजनिक निष्काशन हाल सम्मकै देशकै ठूलो सार्वजनिक निष्काशन हुनेछ ।
नेपाल इन्फ्रास्ट्रक्चर बैंक लिमिटेडको अधिकृत पूँजी ४० अर्व रुपैयाँ, जारी पूँजी २० अर्व रुपैयाँ र चुक्ता पूँजी १२ अर्व रुपैयाँ रहेकोछ भने सर्वसाधारणहरुलाई शेयर निष्काशन गरी बाँडफाँट गरे पश्चात बैंकको चुक्ता पूँजी २० अर्व हुने बैंकले जनाएको छ ।
जलविद्युत, सौर्य उर्जा, होटल, रिसोर्ट, फनपार्क, केवलकार, शिक्षा, स्वास्थ्य लगायतका पूर्वाधार क्षेत्रका उपयुक्त परियोजनाहरुमा श्रोत लगानी गर्ने मुल उद्देश्य लिई स्थापना भएको बैंकले मुलुक भित्र तथा मुलुक बाहिरबाट दीर्घकालिन श्रोत संकलन गरी त्यस प्रकारका परियोजनाहरुलाई आवश्यक पर्ने श्रोत उपलब्ध गराउने लक्ष्य लिएको छ ।