१२ फाल्गुन २०७७, बुधबार

नेप्सेले गर्यो सूचीकृत कम्पनीको वर्गीकरण, १२ वाणिज्य बैंक ‘ए’ समूहमा

आर्थिक सञ्जाल
१४ माघ २०७६, मंगलवार १५:०२

काठमाडौं  । नेपाल स्टक एक्सचेन्ज ९नेप्से० ले सूचीकृत कम्पनीको चालु आर्थिक वर्षको दोस्रो त्रैमासको नयाँ वर्गीकरण सूची सार्वजनिक गरेको छ । नेप्सेले ‘ए’ ‘बी’ ‘जी’ र ‘जेट’ गरी सूचीकृत कम्पनीको वर्गीकरण गरेको हो ।

‘ए’ वर्गमा १२ वटा वाणिज्य बैंक मात्रै परेको छ भने ‘बी’ वर्गमा कुनै कम्पनी परेको छैन । यता, ३२ वटा कम्पनीलाई भने ‘जी’ समूहमा राखिएको छ । बाँकी सूचीकृत कम्पनीहरु ‘जेड’ वर्गमा परेका छन् ।

धितोपत्र सूचीकरण नियमावली २०७५ अनुसार न्यूनतम चुक्ता पुँजी १ अर्ब रुपैयाँ भएका, सूचीकरण भएको कम्तिमा ३ वर्ष पुगेका, आर्थिक वर्षको ६ महिनाभित्र साधारण सभा गरेका र विगत ३ वर्षदेखि लगातार नाफा गरी लाभांश वितरण गरेका कम्पनीलाई ‘ए’ वर्गमा राख्ने प्रावधान रहेको छ ।

यस्तै, क्रेडिट रेटिङ संस्थाबाट औसत भन्दा बढी रेटिङ पाएका र निमयनकारी निकायले तोकेको ढाँचामा वित्तीय विवरण राखेका कम्पनीहरु ‘ए’ वर्गमा पर्ने व्यवस्था छ । सूचीकृत भएका कम्पनी २ वर्ष पूरा नभएसम्म ‘जी’ वर्गमा राखिने उल्लेख छ ।